സംസ്ഥാനത്ത് മൂന്ന് ദിവസത്തിനുള്ളിൽ ചികിത്സയിലുള്ള രോഗികളുടെ എണ്ണം ഒരു ലക്ഷം കടക്കുമെന്ന് ആരോഗ്യ വിദഗ്ധരുടെ മുന്നറിയിപ്പ്. കഴിഞ്ഞ രണ്ട് ദിവസങ്ങളിലായി നടത്തിയ കൂട്ടപരിശോധനയുടെ ഫലങ്ങൾ ഇന്ന് മുതൽ ലഭിച്ചു തുടങ്ങും. ആദ്യ കൊവിഡ് തരംഗത്തിൽ സാമൂഹിക വ്യാപനം സംഭവിച്ച പൂന്തുറ അടക്കമുള്ള തീരങ്ങളില് അതീവ ജാഗ്രത വേണമെന്നാണ് മുന്നറിയിപ്പ്.
ഇന്നലെയാണ് സംസ്ഥാനത്ത് ഒരു ദിവസത്തെ ഏറ്റവും ഉയര്ന്ന കൊവിഡ് കണക്ക് രേഖപ്പെടുത്തിയത്. കഴിഞ്ഞ മൂന്ന് ദിവസങ്ങളിലും പ്രതിദിന രോഗികളുടെ എണ്ണം പതിനായിരത്തിന് മുകളിലാണ്. നിലവിൽ 80,019 രോഗികളാണ് സംസ്ഥാനത്ത് ചികിത്സയിലുള്ളത്. അടുത്ത മൂന്ന് ദിവസത്തിനുള്ളിൽ ഇത് ഒരു ലക്ഷം രോഗികളാകുമെന്നാണ് ആരോഗ്യവിദഗ്ധരുടെ മുന്നറിയിപ്പ്. സ്വകാര്യ മേഖലയെ കൂടി പരമാവധി ഉള്പ്പെടുത്തി പ്രതിരോധ സംവിധാനം ശക്തിപകരാനാണ് വിദഗ്ധർ ശുപാർശ ചെയ്യുന്നത്.
അതേസമയം സംസ്ഥാനത്ത് ഇരട്ട വ്യതിയാനം സംഭവിച്ച വൈറസ് ഉണ്ടോയെന്നും ആരോഗ്യവിദഗ്ധര് സംശയിക്കുന്നുണ്ട്. അങ്ങനെയെങ്കിൽ രണ്ട് ഡോസ് വാക്സിന് എടുത്തവരെയും രോഗം ബാധിക്കുവാൻ സാധ്യതയുണ്ടെന്നും ആരോഗ്യവിദഗ്ധർ കരുതുന്നു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !