തിരുവനന്തപുരം: അവശ്യ ഘട്ടങ്ങളില് യാത്ര ചെയ്യാനുളള ഇ-പാസിന് ഇനി മുതല് കേരളാ പോലീസിന്റെ ഔദ്യോഗിക മൊബൈല് ആപ്ലിക്കേഷനായ പോല്-ആപ്പ് മുഖേനയും അപേക്ഷിക്കാം.
അപേക്ഷിക്കേണ്ട വിധം
- ആപ് സ്റ്റോറില് നിന്നോ പ്ലേ സ്റ്റോറില് നിന്നോ പോല്-ആപ്പ് ഡൗണ്ലോഡ് ചെയ്യുക.
- ഹോം സ്ക്രീനിലെ സേവനങ്ങളില് നിന്ന് പോല്-പാസ് എന്ന ഓപ്ഷന് തെരഞ്ഞെടുക്കുക.
- ആവശ്യമായ വിവരങ്ങള് നല്കി രജിസ്റ്റര് ചെയ്യാം.
- പാസ് അനുവദിച്ചാല് രജിസ്റ്റര് ചെയ്ത മൊബൈല് നമ്പരില് ലിങ്ക് ലഭിക്കും.
- ഈ ലിങ്കില് ക്ലിക്ക് ചെയ്യുമ്പോള് ക്യുആര് കോഡോടു കൂടിയ പാസ് ലഭ്യമാകും.
കൂലിപ്പണിക്കാര്, ദിവസ വേതനക്കാര്, വീട്ടുജോലിക്കാര് തുടങ്ങി തിരിച്ചറിയല് കാര്ഡ് ഇല്ലാത്തവര്ക്ക് ഒരാഴ്ച വരെ സാധുതയുളള പാസിനായി അപേക്ഷിക്കാം. ഒരിക്കല് നല്കിയ പാസിന്റെ കാലാവധി കഴിഞ്ഞാല് മാത്രമേ മറ്റൊരു പാസ് ലഭിക്കൂ. പാസിന്റെ അനുമതി, നിരസിക്കൽ എന്നിവയെപ്പറ്റി എസ്.എം.എസിലൂടെയും സ്ക്രീനിലെ ചെക് സ്റ്റാറ്റസ് ബട്ടണിലൂടെയും അറിയാം. അവശ്യസേവന സ്ഥാപനങ്ങളില് ജോലി ചെയ്യുന്നവര്ക്ക് യാത്ര ചെയ്യാന് സ്ഥാപനങ്ങളിലെ തിരിച്ചറിയല് കാര്ഡ് മതിയാകും.
ആശുപത്രികളിലും മറ്റും ചികിത്സയ്ക്ക് പോകുന്നവര്ക്ക് സത്യവാങ്മൂലം പൂരിപ്പിച്ച് കൈവശം കരുതി യാത്ര ചെയ്യാവുന്നതാണ്. ഇതിനായി പോലീസിന്റെ ഇ-പാസിന് അപേക്ഷിക്കേണ്ട ആവശ്യമില്ല. തിരിച്ചറിയല് കാര്ഡ് കൈയിലുണ്ടായിരിക്കണം.
75 വയസ്സിനുമുകളില് പ്രായമുള്ളവര് ചികിത്സയ്ക്കായി പോകുമ്പോള് ഡ്രൈവറെ കൂടാതെ രണ്ടു സഹായികളെ കൂടി ഒപ്പം യാത്രചെയ്യാന് അനുവദിക്കും. ഈ-പാസ് ലഭിക്കുന്നതിനായി (pass.bsafe.kerala.gov.in) സന്ദർശിക്കുക.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !