സംസ്ഥാനത്ത് ഇന്നും നാളെയും സമ്പൂര്ണ ലോക്ഡൗണ്. അവശ്യ സര്വീസുകള് വിൽക്കുന്ന കടകൾ മാത്രം തുറക്കാം. നിയന്ത്രണങ്ങള് ലംഘിക്കുന്നവര്ക്കെതിരെ കര്ശന നടപടിയെടുക്കാനാണ് നിര്ദേശം. പൊതുഗതാഗതം ഉണ്ടാകില്ല. ബാര്, ബിവറേജ് ഔട്ട് ലെറ്റുകളും അടഞ്ഞുകിടക്കും.
വ്യാഴം, വെള്ളി ദിവസങ്ങളിലെ ഇളവുകള്ക്ക് ശേഷം ഇന്നും നാളെയും സമ്പൂര്ണ ലോക്ഡൗണാണ്. സംസ്ഥാനത്ത് കര്ശന നിയന്ത്രണങ്ങളാകും ഉണ്ടാകുക. അവശ്യ സാധനങ്ങള് വില്ക്കുന്ന കടകള് തുറക്കാന് അനുമതിയുണ്ട്. ഹോട്ടലുകളില് പാഴ്സല് വാങ്ങാനാകില്ല. ഹോം ഡെലിവറി മാത്രമേ ഉണ്ടാകൂ. പൊതുഗതാഗതം ഉണ്ടാകില്ല. പരീക്ഷാ മൂല്യനിര്ണയം ഉള്പ്പെടെ അവശ്യ മേഖലകളിലുള്ളവര്ക്കായി കെഎസ്ആര്ടിസി സര്വീസ് നടത്തും. ഞായറാഴ്ച ഉച്ചക്ക് ശേഷം കെഎസ്ആര്ടിസി ദീര്ഘദൂര സര്വീസുകള് ആരംഭിക്കും.
ഇളവുകള് അനുവദിച്ചതിന് ശേഷമുള്ള സമ്പൂര്ണ ലോക്ഡൌണായതിനാല് പൊലീസ് നിരീക്ഷണവും നടപടിയും കര്ശനമാക്കാന് മുഖ്യമന്ത്രി നിര്ദേശം നല്കിയിട്ടുണ്ട്. പരിശോധനക്കായി കൂടുതല് പൊലീസിനെ വിന്യസിക്കും.
ടെസ്റ്റ് പോസിറ്റിവിറ്റിയുടെ അടിസ്ഥാനത്തില് തദ്ദേശ സ്ഥാപന പരിധിയിലുള്ള ഇളവുകളും നിയന്ത്രണങ്ങളും തിങ്കളാഴ്ച മുതല് വീണ്ടും വിലവില് വരും. ബുധാനഴ്ച നടക്കുന്ന വിലയിരുത്തലിനു ശേഷം കൂടുതല് ഇളവുകളുടെ കാര്യത്തില് തീരുമാനമുണ്ടാകും.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !