ഇത്തവണത്തെ എസ്എസ്എല്സി വിജയ ശതമാനം 99 കടന്നിട്ടും വിദ്യാഭ്യാസമന്ത്രി താനല്ലാത്തതുകൊണ്ട് ആരും പരിഹസിക്കാനോ ട്രോളാനോ തയ്യാറാകുന്നില്ലെന്ന് മുന് വിദ്യാഭ്യാസമന്ത്രി പികെ അബ്ദുറബ്ബ്. യുഡിഎഫ് സര്ക്കാരിന്റെ കാലത്ത് വിജയ ശതമാനം ഉയരുമ്പോള് വിദ്യാര്ത്ഥികളുടെ കഴിവിനെ വിലക്കുറച്ചു കാണുന്നുവെന്നും അതില് ട്രോളുകളും മറ്റും കൊണ്ടുവരുന്നത് ഇടത് സൈബര് പോരാളികളുടെ സ്ഥിരം പണിയാണെന്നും അബ്ദുറബ്ബ് കുറ്റപ്പെടുത്തി.
2011 മുതല് 2021 വരെയുള്ള എസ്എസ്എല്സി വിജയ ശതമാന പട്ടിക നിരത്തിക്കൊണ്ടായിരുന്നു അബ്ദുറബ്ബിന്റെ വിശദീകരണം. 2011 ല് എം.എ.ബേബി വിദ്യാഭ്യാസ മന്ത്രിയായ സമയത്ത് 91.37 ആയിരുന്നു വിജയശതമാനം. പിന്നീട് ഞാന് മന്ത്രിയായിരുന്ന കാലത്തും എസ്എസ്എല്സി വിജയശതമാനം കൂടിക്കൂടി വന്നു. 2012 ല് 93.64ശതമാനം, 2013 ല് 94.17, 2014 ല് 95.47, 2015 ല് 97.99, 2016 ല് 96.59 യുഡിഎഫിന്റെ കാലത്താണെങ്കില് വിജയശതമാനം ഉയരുമ്പോള് വിദ്യാര്ത്ഥികളുടെ കഴിവിനെ വില കുറച്ചു കാണിക്കുക, മന്ത്രിയെ ട്രോളുക, കുറ്റപ്പെടുത്തുക. ഇതൊക്കെയാണ് ഇടത് സൈബര് പോരാളികളുടെ സ്ഥിരം പണി. 2016 മുതല് പ്രൊഫസര് രവീന്ദ്രനാഥ് മന്ത്രിയായ ശേഷമുള്ള വിജയശതമാനവും ഉയരത്തില് തന്നെയായിരുന്നുവെന്നും അദ്ദേഹം വ്യക്തമാക്കി.
2017 ല് 95.98 ശതമാനം, 2018 ല് 97.84,2019 ല് 98.11, 2020 ല് 98.82, ഇപ്പോഴിതാ 2021 ല് 99.47 ശതമാനം പേരും എസ്എസ്എല്സിക്ക് ഉപരിപഠന യോഗ്യത നേടിയിരിക്കുന്നു. വിജയശതമാനം കൂടിയത് മന്ത്രിയുടെ കഴിവു കേടല്ല, വിദ്യാര്ത്ഥികളെ, നിങ്ങളുടെ മിടുക്കു കൊണ്ടാണെന്നും അബ്ദുറബ്ബ് കൂട്ടിച്ചേര്ത്തു.
പി.കെ. അബ്ദുറബ്ബിന്റെ ഫെയ്സ്ബുക്ക് പോസ്റ്റ്
SSLC വിജയശതമാനം 99.47
ഗോപാലേട്ടന്റെ പശുവില്ല,
ആമിനത്താത്തയുടെ പൂവന് കോഴിയില്ല,
സ്കൂളിന്റെ ഓട് മാറ്റാന് വന്ന ബംഗാളിയുമില്ല.
റിസള്ട്ട് പ്രഖ്യാപിച്ചത് ഞാനല്ലാത്തത് കൊണ്ട്
ഇജ്ജാതി ട്രോളുകളൊന്നുമില്ല.
2011 ല് എം.എ.ബേബി വിദ്യാഭ്യാസ മന്ത്രിയായ സമയത്ത് 91.37 ആയിരുന്നു വിജയശതമാനം. പിന്നീട് ഞാന് മന്ത്രിയായിരുന്ന കാലത്തും SSLC വിജയശതമാനം കൂടിക്കൂടി വന്നു.
2012 ല് 93.64%
2013 ല് 94.17%
2014 ല് 95.47 %
2015 ല് 97.99%
2016 ല് 96.59%
UDF ന്റെ കാലത്താണെങ്കില് വിജയശതമാനം ഉയരുമ്പോള് വിദ്യാര്ത്ഥികളുടെ കഴിവിനെ വില കുറച്ചു കാണിക്കുക, മന്ത്രിയെ ട്രോളുക, കുറ്റപ്പെടുത്തുക.. ഇതൊക്കെയാണ് ഇടത് സൈബര് പോരാളികളുടെ സ്ഥിരം പണി.
2016 മുതല് പ്രൊഫസര് രവീന്ദ്രനാഥ് മന്ത്രിയായ ശേഷമുള്ള വിജയശതമാനവും ഉയരത്തില് തന്നെയായിരുന്നു.
2017 ല് 95.98%
2018 ല് 97.84%
2019 ല് 98.11%
2020 ല് 98.82%
ഇപ്പോഴിതാ 2021 ല് 99.47% പേരും SSLC'ക്ക് ഉപരിപഠന യോഗ്യത നേടിയിരിക്കുന്നു.
വിജയശതമാനം കൂടിയത് മന്ത്രിയുടെ കഴിവു കേടല്ല, വിദ്യാര്ത്ഥികളെ, നിങ്ങളുടെ മിടുക്കു കൊണ്ടാണ്. നിങ്ങളുടെ വിജയത്തെ വില കുറച്ചു കാണുന്നില്ല.
ഉപരിപഠന യോഗ്യത നേടിയ എല്ലാ വിദ്യാര്ത്ഥികള്ക്കും അഭിനന്ദനങ്ങള്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !