കോഴിക്കോട് : (mediavisionlive.in) സംസ്ഥാനത്ത് കടകള് തുറക്കുന്നതുമായി ബന്ധപ്പെട്ട് വ്യാപാരികളുമായി ചര്ച്ചയ്ക്ക് തയ്യാറെന്ന് സര്ക്കാര്. വ്യാപാരികളോടുള്ള സര്ക്കാര് നിലപാടില് വ്യാപക പ്രതിഷേധം ഉയര്ന്നതോടെയാണ് ചര്ച്ച. കോഴിക്കോട് കളക്ടറേറ്റില് വെച്ച് ഇന്ന് 12 മണിക്ക് വ്യാപാരികളുമായി ചര്ച്ച നടത്തും. മന്ത്രി എ.കെ.ശശീന്ദ്രന്, കോഴിക്കോട് ജില്ലാ കളക്ടര്, വ്യാപാര സംഘടനാ പ്രതിനിധികള് തുടങ്ങിയവര് ചര്ച്ചയില് പങ്കെടുക്കും.
വെല്ലുവിളിച്ച് വ്യാപാരികള് സമരരംഗത്തേക്ക് വരുന്നത് ശരിയല്ല. ചര്ച്ചയ്ക്ക് തയ്യാറാവണമെന്ന് എ.കെ ശശീന്ദ്രന് പറഞ്ഞു. സിപിഎം അനുകൂല സംഘടനയായ വ്യാപാരി വ്യവസായി സമിതിയടക്കം സമരത്തിനിറങ്ങിയ പശ്ചാത്തലത്തില് കൂടിയാണ് സര്ക്കാര് ചര്ച്ചയ്ക്ക് സന്നദ്ധമായത്. മുന് എംഎല്എയും വ്യാപാരി വ്യവസായി സമിതി പ്രസിഡന്റുമായ വി.കെ.സി.മമ്മദ് കോയയുടെ നേതൃത്വത്തില് കളക്ടറേറ്റിന് മുന്നില് സമരം നടന്നുവരികയാണ്.
സംസ്ഥാനത്തെ കോവിഡ് നിയന്ത്രണം അശാസ്ത്രീയമാണെന്ന് വി.കെ.സി.മമ്മദ് കോയ പറഞ്ഞു. സര്ക്കാരിനെ വെല്ലുവിളിച്ച് സമരം ചെയ്യാന് ഇപ്പോള് തീരുമാനിച്ചിട്ടില്ല. വ്യാപാരികളുടെ പ്രശ്നം സര്ക്കാരിന് മുന്നില് അവതരിപ്പിക്കുകയാണ് ഇപ്പോഴത്തെ ശ്രമമെന്നും അദ്ദേഹം വ്യക്തമാക്കി.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !