തിരുവനന്തപുരം: എല്ലാ വകുപ്പുകളിലുമുള്ള മുഴുവന് ഒഴിവുകളും റിപ്പോര്ട്ട് ചെയ്യാന് നിര്ദേശം നല്കിയെന്ന് മുഖ്യമന്ത്രി പിണറായി വിജയന് നിയമ സഭയില് അറിയിച്ചു.
ഉടന് കാലാവധി തീരുന്ന റാങ്ക് ലിസ്റ്റുകളുടെ കാലാവധി നീട്ടണമെന്ന പ്രതിപക്ഷ നേതാവ് വി ഡി സതീശന്റെ സബ് മിഷന് മറുപടി നല്കുകയായിരുന്നു അദ്ദേഹം.
റാങ്ക് ലിസ്റ്റുകളുടെ കാലാവധി തീരുന്ന സാഹചര്യത്തിലാണ് ഒഴിവുകള് വേഗത്തില് കൃത്യമായി റിപ്പോര്ട്ട് ചെയ്യാന് നിര്ദേശം നല്കിയതെന്ന് മുഖ്യമന്ത്രി പറഞ്ഞു.
വീഴ്ച വരുത്തുന്ന ഉദ്യോഗസ്ഥര്ക്കെതിരെ കര്ശന നടപടി എടുക്കുമെന്നും ഒഴിവുകള് റിപ്പോര്ട്ട് ചെയ്യുന്നതിന്്റെ കൃത്യത ഉറപ്പു വരുത്താന് പരിശോധനകള് തുടരുന്നതായും മുഖ്യമന്ത്രി നിയമസഭയെ അറിയിച്ചു.
എല്ലാ ഒഴിവുകളും കൃത്യതയോടെ യഥാസമയം റിപ്പോര്ട്ട് ചെയ്യുന്നതിന് ഓണ്ലൈന് സംവിധാനം ഏര്പ്പെടുത്തിയിട്ടുണ്ട്.
ഒഴിവുകള് റിപ്പോര്ട്ട് ചെയ്യുന്നതിന്റെ കൃത്യത പരിശോധിക്കുന്നതിനായി അഡ്മിനിസ്ട്രേറ്റീവ് വിജിലന്സ് വവിധ ഓഫിസുകളില് പരിശോധന നടത്തുന്നുണ്ട്.
ഇതിനു പുറമേ ഒഴിവുകള് കൃത്യമായി റിപ്പോര്ട്ട് ചെയ്യുന്നത് ഉറപ്പു വരുത്താന് ചീഫ് സെക്രട്ടറിയുടെ മേല്നോട്ടത്തില് ധനകാര്യ വകുപ്പ് അഡീഷണല് ചീഫ് ചെക്രട്ടറി,ഉദ്യോഗസ്ഥ ഭരണ പരിഷ്കാര വകുപ്പ് അഡീഷണല് ചീഫ് ചെക്രട്ടറി എന്നിവരുള്പ്പെട്ട ,സമിതിക്ക് രൂപം കൊടുത്തിട്ടുണ്ടെന്നും മുഖ്യമന്ത്രി സഭയെ അറിയിച്ചു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !