തിരുവനന്തപുരം: പി.എസ്.സി റാങ്ക് ലിസ്റ്റ് നീട്ടാത്തതിനെതിരെ പ്രതിഷേധവുമായി ഉദ്യോഗാര്ത്ഥികള് രംഗത്ത്. സെക്രട്ടേറിയറ്റിന് മുന്നില് മുടി മുറിച്ചുകൊണ്ടാണ് ഉദ്യോഗാര്ത്ഥികളുടെ പ്രതിഷേധം. പി.എസ്.സി സമരപന്തലിലാണ് പ്രതിഷേധം.
ലാസ്റ്റ് ഗ്രേഡ് സര്വന്റ്സ്, അധ്യാപകര്, വനിതാ കോണ്സ്റ്റബിള് തുടങ്ങി വിവിധ റാങ്ക് ഹോള്ഡേഴ്സാണ് സെക്രട്ടേറിയറ്റിന് മുന്നില് പ്രതിഷേധിക്കുന്നത്. ഇവരുടെയൊക്കെ കാലാവധി ഓഗസ്റ്റ് നാലിന് അവസാനിക്കുകയാണ്. ഈ റാങ്ക് ലിസ്റ്റ് നീട്ടണമെന്ന് ആവശ്യപ്പെട്ടാണ് ഇപ്പോള് പ്രതിഷേധം നടക്കുന്നത്.
റാങ്ക് ലിസ്റ്റ് കാലാവധി നീട്ടല്; പി.എസ്.സി ഹൈക്കോടതിയില്
തിരുവനന്തപുരം: എല്ജിഎസ് റാങ്ക് ലിസ്റ്റ് കാലാവധി നീട്ടണമെന്ന അഡ്മിനിസ്ട്രേറ്റീവ് ട്രൈബ്യൂണല് ഉത്തരവിന് എതിരെ പി.എസ്.സി ഹൈക്കോടതിയെ സമീപിച്ചു. റാങ്ക് പട്ടികയുടെ കാലാവധി നീട്ടുക പ്രായോഗികമല്ലെന്നാണ് പിഎസ്സി ഹര്ജിയില് പറയുന്നത്.
റാങ്ക് ലിസ്റ്റ് നീട്ടാന് ഉചിതമായ കാരണം വേണം. പട്ടിക നീട്ടിയാല് പുതിയ ഉദ്യോഗാര്ത്ഥികള്ക്ക് അവസരം നഷ്ടമാകുമെന്നും ഹര്ജിയില് പറയുന്നു.
നേരത്തെ, പി.എസ്.സി റാങ്ക് ലിസ്റ്റിന്റെ കാലാവധി നീട്ടില്ലെന്ന് മുഖ്യമന്ത്രി പിണറായി വിജയന് സഭയില് അറിയിച്ചിരുന്നു. റാങ്ക് ലിസ്റ്റ് കാലാവധി ഒരു വര്ഷമാണെന്നും പുതിയ പട്ടിക വന്നില്ലെങ്കില് മൂന്ന് വര്ഷമെന്നാണ് കണക്കെന്നും മുഖ്യമന്ത്രി പറഞ്ഞു. മറ്റന്നാള് കാലാവധി അവസാനിക്കുന്ന ലിസ്റ്റുകളുടെ കാലാവധി മൂന്ന് വര്ഷം കഴിഞ്ഞതാണെന്നും മുഖ്യമന്ത്രി സഭയില് വ്യക്തമാക്കി.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !