മലപ്പുറം: കോണ്ഗ്രസ് നേതാവ് രാഹുല് ഗാന്ധി ഇന്ന് അദ്ദേഹത്തിന്റെ മണ്ഡലമായ വയനാട്ടിലെത്തും. മലപ്പുറം കാളികാവില് രാവിലെ ഡയാലിസിസ് സെന്റര് ഉദ്ഘാടനം ചെയ്യും. ഉച്ചക്ക് ശേഷം തിരുവമ്ബാടിയില് മുതിര്ന്ന പൗരന്മാര്ക്കുള്ള വിശ്രമകേന്ദ്രം ഉദ്ഘാടനം നടത്തും. മര്ക്കസ് നോളജ് സിറ്റിയില് സ്കൂളിന് തറക്കല്ലിടല് തുടങ്ങിയവയാണ് രാഹുല് ഗാന്ധിയുടെ ഇന്നത്തെ പരിപാടികള്.
രാവിലെ 8.30 കരിപ്പൂരില് വിമാനമിറങ്ങുന്ന രാഹുല് ഗാന്ധിയെ സ്വീകരിക്കാന് പ്രതിപക്ഷ നേതാവ് വി ഡി സതീശനും കെപിസി സി പ്രസിഡണ്ട് കെ സുധാകരനും വിമാനത്താവളത്തിലെത്തും. തുടര്ന്ന് കടവ് റിസോര്ട്ടില് വച്ച് ഇരുവരും രാഹുല് ഗാന്ധിയുമായി ചര്ച്ച നടത്തും. നേതൃത്വത്തിനെതിരെ മുന് കെപിസിസി പ്രസിഡണ്ടുമാരായ മുല്ലപ്പള്ളി രാമചന്ദ്രനും വി എം സുധീരനും ഉയര്ത്തിയ വിമര്ശനവും സുധീരന്റെ രാജിയും ചര്ച്ചയില് പ്രധാന വിഷയങ്ങളാവും.
തുടര്ച്ചയായി മുതിര്ന്ന നേതാക്കുടെ ഭാഗത്തു നിന്നും പരാതികളുയരുന്നതില് കോണ്ഗ്രസ് ഹൈക്കമാന്ഡിന് കേരള നേതൃത്വത്തോട് അതൃപ്തിയുണ്ട്. ഈ സാഹചര്യത്തില് രാഹുല് ഗാന്ധിയുമായുള്ള പ്രതിപക്ഷ നേതാവിന്റെയും കെപിസിസി പ്രസിഡണ്ടിന്റെയും കൂടിക്കാഴ്ച്ചക്ക് ഏറെ പ്രാധാന്യമുണ്ട്. എഐസിസി ജനറല് സെക്രട്ടറി കെ സി വേണുഗോപാലും രാഹുല് ഗാന്ധിക്കൊപ്പം ഡല്ഹിയില് നിന്നും വരുന്നുണ്ട്. അദേഹവും ചര്ച്ചയില് പങ്കെടുക്കും. നാളെ രാവിലെ കരിപ്പൂരില് നിന്നും രാഹുല് ഗാന്ധി ന്യൂഡല്ഹിയിലേക്ക് മടങ്ങും.
v
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !