മുംബൈ: ആഡംബര കപ്പലിലെ ലഹരി പാര്ട്ടിക്കിടെ എന്സിബി അറസ്റ്റ് ചെയ്ത ആര്യന്ഖാന് മുംബൈ ഹൈക്കോടതി ജാമ്യം അനുവദിച്ചു. ആര്യന് ഖാനൊപ്പം അറസ്റ്റിലായ അര്ബാസ് മാര്ച്ചന്റിനും മുന് ധമേച്ചേയ്ക്കും കോടതി ജാമ്യം അനുവദിച്ചിട്ടുണ്ട്. ജാമ്യവ്യസ്ഥകളടക്കമുള്ള വിശദമായ ഇടക്കാല ഉത്തരവ് നാളെ പുറപ്പെടുവിക്കുമെന്നാണ് കോടതി അറിയിച്ചിട്ടുള്ളത്. 21 ദിവസത്തെ ജയില് വാസത്തിന് ശേഷമാണ് ആര്യന്ഖാന് ജയില് മോചിതനാകുന്നത്.
ആര്യന്ഖാന് വേണ്ടി മുതിര്ന്ന അഭിഭാഷകനായ മുകുള് റോത്തഗി മുംബൈ ഹൈക്കോടതിയില് ഹാജരായിരുന്നു. ആര്യനില് ലഹരി മരുന്ന് പിടിച്ചിട്ടില്ലെന്നും ലഹരിമരുന്ന് ഉപയോഗിച്ചതിന് വൈദ്യ പരിശോധനാ ഫലം പോലുമില്ലെന്നും റോത്തഗി വാദത്തിനിടെ ചൂണ്ടിക്കാട്ടിയിരുന്നു. ആര്യന്റെ സുഹൃത്തായ അര്ബാസില് നിന്ന് പിടിച്ചെടുത്ത ചരസിന്റെ അളവ് പോലും ജയില്വാസത്തിന് മതിയാവുന്നതല്ലെന്നും കേസിലെ പ്രധാന തെളിവായ വാട്സ് ആപ്പ് ചാറ്റ് 2018കാലത്തേതാണെന്നും റോത്തഗി കോടതിയില് ചൂണ്ടിക്കാട്ടിയിരുന്നു.
എന്നാല് കേസിലെ സാക്ഷിയുടെ വിവാദ വെളിപ്പെടുത്തലടക്കം ചൂണ്ടിക്കാട്ടി കേസ് അട്ടിമറിക്കാന് ഷാരൂഖ്ഖാന് ശ്രമിക്കുന്നതായി എന്സിബി ആരോപിച്ചു. ആര്യന്ഖാന് പുറത്തിറങ്ങിയാല് ഇതുപോലെ തെളിവുകള് ഇല്ലാതാക്കുമെന്നും ജാമ്യഹര്ജിയെ എതിര്ത്ത് എന്സിബി വാദിച്ചു. എന്നാല് ഈ വാദം തള്ളിയാണ് കോടതി ആര്യനും സുഹൃത്തുകള്ക്കും ജാമ്യം അനുവദിച്ചത്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !