തിരുവനന്തപുരം: സംസ്ഥാനത്ത് സ്കൂളുകള് തുറക്കുന്നതിനുള്ള ക്രമീകരണങ്ങളെല്ലാം ഒരുക്കിയതായി വിദ്യാഭ്യാസ മന്ത്രി വി.
ശിവന്കുട്ടി. കുട്ടികളെ സ്കൂളില് വിടുന്നതിന് രക്ഷാകര്ത്താക്കള്ക്ക് ഒരു തരത്തിലുള്ള ഉത്കണ്ഠയും ആവശ്യമില്ലെന്നും എല്ലാ ഉത്തരവാദിത്വവും സര്ക്കാര് ഏറ്റെടുക്കുന്നുവെന്നും ശിവന്കുട്ടി പറഞ്ഞു.
സ്കൂള് തുറന്നാല് സ്വീകരിക്കേണ്ട നടപടികള് സംബന്ധിച്ചും ആദ്യ രണ്ടാഴ്ചയിലെ അക്കാദമിക് പ്രവര്ത്തനങ്ങള് സംബന്ധിച്ചും മാര്ഗരേഖ പുറത്തിറക്കിയിട്ടുണ്ട്. സ്കൂളുകളില് ആകെ കുട്ടികളുടെ എണ്ണം 25% ആയി ക്രമീകരിക്കണം. ഒരു ബെഞ്ചില് രണ്ട് കുട്ടികള് വീതം ആയിരിക്കണം ഇരിക്കേണ്ടത്. കുട്ടികള് ഭക്ഷണം കഴിക്കുമ്ബോള് ഒന്നിച്ചിരുന്ന് കഴിക്കാതെ രണ്ട് മീറ്റര് അകലംപാലിക്കണമെന്നും മന്ത്രി മുന്നറിയിപ്പ് നല്കി.
അധ്യാപക ക്ഷാമമുള്ള ഇടങ്ങളില് അധ്യാപകരെ നിയമിക്കുന്നതിനും 1800ഓളം പ്രധാനാധ്യാപകരെ നിബന്ധനകളുടെ അടിസ്ഥാനത്തില് നിയമിക്കാനും നടപടിയെടുത്തിട്ടുണ്ട്. ഇനി ഫിറ്റ്നസ് ലഭിക്കാനുള്ള സ്കൂളുകളുടെ എണ്ണം 446 ആണ്. 2282 അധ്യാപകര് വാക്സിന് എടുക്കാത്തതായുണ്ട്. ഈ അധ്യാപകരോട് സ്കൂളുകളില് വരേണ്ടതില്ലെന്ന് വാക്കാല് നിര്ദേശം കൊടുത്തിട്ടുണ്ട്. അവര് വീടുകളില് ഇരുന്ന് ഓണ്ലൈന് ആയി കുട്ടികളെ പഠിപ്പിച്ചാല് മതി. ഡെയ്ലി വേജസില് വാക്സിന് എടുക്കാത്ത അധ്യാപകരുണ്ടെങ്കില് അവര് ഇനി ജോലിയ്ക്ക് വരേണ്ടതില്ല.
15452 സ്കൂളുകളില് നൂറിന് താഴെയുള്ള സ്കൂളുകളില് മാത്രമാണ് അണുനശീകരണം നടത്താന് ബാക്കിയുള്ളത്. സ്കൂളുകളുടെ പ്രവര്ത്തനം സുഗമമാക്കുന്നതിന് ഫണ്ട് എത്തിക്കാന് പ്രത്യേകം ശ്രദ്ധിച്ചിട്ടുണ്ട്. സോപ്പ്, ഹാന്ഡ് വാഷ്, ബക്കറ്റ് തുടങ്ങിയവ വാങ്ങുന്നതിന് 2.85 കോടി രൂപ അനുവദിച്ചിട്ടുണ്ടെന്നും മന്ത്രി പറഞ്ഞു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !