വണ്ടൂര് വിദ്യാഭ്യാസ ജില്ലയുടെ പരിധിയില്പ്പെട്ട പരീക്ഷാ കേന്ദ്രങ്ങളില് നിന്നും കെ- ടെറ്റ് പരീക്ഷ എഴുതി വിജയിച്ചവരുടെ അസല് സര്ട്ടിഫിക്കറ്റ് പരിശോധന വണ്ടൂര് ജില്ലാ വിദ്യാഭ്യാസ ഓഫീസില് നടക്കും. നവംബര് 15ന് കാറ്റഗറി ഒന്ന്, നവംബര് 16ന് കാറ്റഗറി രണ്ട്, നവംബര് 17ന് കാറ്റഗറി മൂന്ന്, നവംബര് 18ന് കാറ്റഗറി നാല് എന്നിങ്ങനെയാണ് പരിശോധന. എസ്.എസ്.എല്.സി, പ്ലസ്ടു, ഡിഗ്രി, ബി.എഡ്/ടി.ടി.സി (അസലും പകര്പ്പും), ഹാള്ടിക്കറ്റിന്റെ പകര്പ്പ് എന്നിവ ഹാജരാക്കണം. ബി.എഡ് /ടി.ടി.സി പഠിക്കുന്നവര് ഒറിജിനല് സര്ട്ടിഫിക്കറ്റ് ലഭിച്ചതിന് ശേഷം വെരിഫിക്കേഷന് ഹാജരായാല് മതിയെന്ന് വണ്ടൂര് വിദ്യാഭ്യാസ ജില്ലാ ഓഫീസര് അറിയിച്ചു.
തിരൂരങ്ങാടി ജി.എച്ച്.എസ്.എസ്, വേങ്ങര ജി.വി.എച്ച്.എസ്.എസ്. എന്നീ പരീക്ഷാ കേന്ദ്രങ്ങളില് കേരള ടീച്ചര് എലിജിബിലിറ്റി ടെസ്റ്റ് പരീക്ഷ എഴുതി യോഗ്യത നേടിയ കാറ്റഗറി ഒന്ന്, രണ്ട് പരീക്ഷാര്ഥികളുടെ യോഗ്യതാ സര്ട്ടിഫിക്കറ്റുകളുടെ പരിശോധന നവംബര് 18നും കാറ്റഗറി മൂന്ന്, നാല് നവംബര് 19നും പരപ്പനങ്ങാടി എ.കെ.എന്.എം പി.ഡബ്ല്യൂ.ഡി ബില്ഡിങിലുള്ള തിരൂരങ്ങാടി വിദ്യാഭ്യാസ ജില്ലാ ഓഫീസില് നടക്കും. അസല് ഹാള്ടിക്കറ്റ്, എസ്.എസ്.എല്.സി, പ്ലസ്ടു, ഡിഗ്രി, ബി.എഡ്, ടി.ടി.സി, എന്നിവയുടെ ഒറിജിനലും പകര്പ്പും ഹാജരാക്കണം. മാര്ക്ക് ഇളവുകളോടുകൂടി പാസായവര് (90 മാര്ക്കിന് താഴെ ലഭിച്ചവര്) എസ്.എസ്.എല്.സി. ബുക്കില് ജാതി രേഖപ്പെടുത്തിയിട്ടില്ല എങ്കില് ജാതി തെളിയിക്കുന്ന സര്ട്ടിഫിക്കറ്റും ഹാജരാക്കണം. ബി.എഡ്/ ടി.ടി.സി. പഠിക്കുന്നവര് ഒറിജിനല് സര്ട്ടിഫിക്കറ്റ് ലഭിച്ചതിനു ശേഷം വെരിഫിക്കേഷന് ഹാജരായാല് മതിയെന്ന് തിരൂരങ്ങാടി വിദ്യാഭ്യാസ ജില്ലാ ഓഫീസര് അറിയിച്ചു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !