ഐഎസ്എല്ലിൽ വീണ്ടും സമനിലയുമായി നിരാശപ്പെടുത്തി കേരള ബ്ലാസ്റ്റേഴ്സ്. കഴിഞ്ഞ കളിയിൽ ഗോൾരഹിത സമനിലയായിരുന്നുവെങ്കിൽ ഇത്തവണ ബെംഗളൂരുവിനോട് 1-1നാണ് സമനില പിടിച്ചത്. ബെംഗളൂരു എഫ്സിയുടെ തികഞ്ഞ ആധിപത്യമാണ് മത്സരത്തിൽ കണ്ടത്. എന്നാൽ ആദ്യഗോൾ പിറക്കാൻ ഏറെ സമയമെടുത്തു.
മത്സരത്തിൽ നിറഞ്ഞുനിന്നത് ബെംഗളൂരു എഫ്സിയുടെ മലയാളി താരം ആഷിഖ് കുരുണിയനാണ്. ഒന്നാം പകുതി ഗോൾരഹിതമായ മത്സരത്തിൽ ആദ്യഗോൾ പിറന്നത് 84ാം മിനിറ്റിലാണ്. ആഷിഖ് കുരുണിയനാണ് ബെംഗളൂരുവിനെ മുന്നിലെത്തിച്ചത്. നാല് മിനിറ്റുകൾക്ക് ശേഷം 88ാം മിനിറ്റിൽ അതേ ആഷിഖ് കുരുണിയനിലൂടെ പിറന്ന സെൽഫ് ഗോളിൽ കേരള ബ്ലാസ്റ്റേഴ്സിന് സമനില പിടിക്കാനായി.
പുതിയ പരിശീലകന് കീഴിൽ പുതിയ സീസണിനിറങ്ങിയ കേരള ബ്ലാസ്റ്റേഴ്സ് ഇത് വരെ ആധികാരികമായ പ്രകടനം പുറത്തെടുത്തിട്ടില്ല. കഴിഞ്ഞ പത്ത് മത്സരങ്ങളിൽ ടീം ഐഎസ്എല്ലിൽ ജയമറിഞ്ഞിട്ടില്ല. ആദ്യമത്സരത്തിൽ കരുത്തരായ എടികെ മോഹൻബഗാനോട് 4-2ൻെറ തോൽവി വഴങ്ങാനായിരുന്നു ബ്ലാസ്റ്റേഴ്സിൻെറ വിധി. രണ്ടാം മത്സരത്തിൽ നോർത്ത് ഈസ്റ്റ് യുണൈറ്റഡിനോട് ഗോൾരഹിത സമനിലയിലും പിരിഞ്ഞു.
ഐഎസ്എല്ലിൽ ശനിയാഴ്ച നടന്ന മത്സരത്തിൽ എടികെ മോഹൻ ബഗാൻ ഈസ്റ്റ് ബംഗാളിനെ എതിരില്ലാത്ത മൂന്ന് ഗോളുകൾക്ക് തോൽപ്പിച്ചിരുന്നു. ഹൈദരാബാദ് നിലവിലെ ജേതാക്കളായ മുംബൈയെ 3-1ന് തോൽപ്പിച്ച് ഞെട്ടിക്കുകയും ചെയ്തു. പോയൻറ് പട്ടികയിൽ നിലവിൽ കേരള ബ്ലാസ്റ്റേഴ്സ് 8ാം സ്ഥാനത്താണുള്ളത്.
Read Also:
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !