പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ ശുപാർശ; കോട്ടക്കൽ മണ്ഡലത്തിലെ രണ്ട് കോളനികളുടെ നവീകരണത്തിനായി 2 കോടി രൂപയുടെ പദ്ധതി
പദ്ധതി വിഹിതത്തിന്റെ 20% തുക ആദ്യ ഘട്ടത്തിൽ അനുവദിച്ചു.
കോട്ടക്കൽ: 2021-22 വർഷത്തെ പട്ടികജാതി വികസനം - അംബേദ്കർ സ്വാശ്രയ ഗ്രാമം പദ്ധതിയിൽ കോട്ടക്കൽ നിയോജക മണ്ഡലത്തിൽ രണ്ട് കോളനികളെ ഉൾപ്പെടുത്തി ഫണ്ട് അനുവദിച്ചതായി പ്രൊഫ. ആബിദ് ഹുസൈൻ തങ്ങൾ എം.എൽ.എ അറിയിച്ചു.
എടയൂർ പഞ്ചായത്തിലെ പൂവത്തുംതറ എസ്.സി കോളനി , പൊന്മള പഞ്ചായത്തിലെ മണ്ണഴി -കോട്ടപ്പുറം എസ്.സി കോളനി - എന്നിവയെയാണ് ഉൾപ്പെടുത്തിയത്. എം.എൽ.എ നൽകിയ ശുപാർശ പ്രകാരമാണ്കോളനികളെ അംബേദ്കർ സ്വാശ്രയ ഗ്രാമം പദ്ധതിയിൽ ഉൾപ്പെടുത്തിയത്. കോളനികളുടെ നവീകരണ പ്രവർത്തനങ്ങൾക്കായി ഓരോ കോടി രൂപയുടെ പദ്ധിയാണുള്ളത്. പദ്ധതി വിഹിതമായ ഒരു കോടിയുടെ ഇരുപത് ശതമാനമായ ഇരുപത് ലക്ഷം രൂപ വീതം നാല്പത് ലക്ഷം രൂപയാണ് രണ്ട് കോളനികൾക്കും കൂടി ആദ്യ ഘട്ടമായി അനുവദിച്ചിട്ടുള്ളത്. ജില്ലാ നിർമ്മിതി കേന്ദ്രത്തിനാണ് പദ്ധതി നിർവ്വഹണത്തിന്റെ ചുമതല നൽകിയിട്ടുള്ളത്.
Content Highlights: A project of `2 crore for the modernization of two colonies in Kottakal constituency: Prof. Abid Hussain Thangal MLA
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !