മലപ്പുറം| പെരിന്തല്മണ്ണയിൽവന് കുഴല്പ്പണ വേട്ട. രണ്ടിടങ്ങളില് നിന്നായി രണ്ടുകോടി മുപ്പത്തിയാറ് ലക്ഷത്തി തൊണ്ണൂറായിരം രൂപയാണ് ഇന്ന് പൊലീസ് പിടിച്ചെടുത്തത്.
മലപ്പുറത്ത് നിന്നും ഒരു കോടി നാല്പ്പത്തിയാറ് ലക്ഷം രൂപയും പെരിന്തല് മണ്ണക്കടുത്ത് താഴേക്കോട് കാറില് കടത്തികൊണ്ടുവന്ന തൊണ്ണൂറ് ലക്ഷത്തി തൊണ്ണൂറായിരം രൂപയും പൊലീസ് പിടികൂടി. കാറില് രഹസ്യ അറയുണ്ടാക്കിയാണ് പണം ഒളിപ്പിച്ചിരുന്നത്
മലപ്പുറം കേസില് രണ്ടുപേരെ പൊലീസ് കസ്റ്റഡിയിലെടുത്തു. എറണാകുളം തോപ്പുംപടി സ്വദേശികളായ രാജാറാം എന്ന രാജു, അനില് എന്നിവരാണ് പിടിയിലായത്. മഹാരാഷ്ട്രയിലെ സ്വര്ണ്ണ ഇടപാടുകാരുമായി ബന്ധമുള്ളവരാണ് പ്രതികളെന്ന് പൊലീസ് പറഞ്ഞു.
പെരിന്തല്മണ്ണയില് പിടിയിലായത് എറണാംകുളം സ്വദേശി സുബ്രമണ്യന് ഗണപതി, തൃശ്ശൂര് സ്വദേശി ദേവ്കര് നിതിന് എന്നിവരാണ്. ഇവരും മഹാരാഷ്ട്രയിലെ സ്വര്ണ്ണ ഇടപാടുകാരാണ്. രണ്ട് കേസുകളിലും പണം കടത്തിയ കാറുകള് പൊലീസ് പിടിച്ചെടുത്തു.
Content Highlights: black money hunting in Perinthalmanna; Four arrested
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !