വീ​ടി​ന് തീപിടിച്ച് എട്ട് മാസം പ്രായമായ കുഞ്ഞുൾപ്പടെ ഒ​രു കു​ടും​ബ​ത്തി​ലെ അഞ്ചു പേർക്ക് ദാരുണാന്ത്യം

തി​രു​വ​ന​ന്ത​പു​രം വ​ര്‍​ക്ക​ല​യി​ല്‍ വീ​ടി​ന് തീ​പി​ടി​ച്ച് ഒ​രു കു​ടും​ബ​ത്തി​ലെ അഞ്ച് പേർ മരിച്ചു. ദ​ള​വാ​പു​ര​ത്ത് രാ​ഹു​ല്‍ നി​വാ​സി​ല്‍ പ്ര​താ​പ​ന്‍ എ​ന്ന ബേ​ബി​യു​ടെ വീ​ടി​നാ​ണ് തീ​പി​ടി​ച്ച​ത്. പ്ര​താ​പ​ൻ (62), ഭാ​ര്യ ഷെ​ർ​ലി (53), ഇ​വ​രു​ടെ മ​ക​ൻ അഹു​ൽ(25), മ​രു​മ​ക​ൾ അ​ഭി​രാ​മി (24), അ​ഭി​രാ​മി​യു​ടെ എ​ട്ട് മാ​സം പ്രാ​യ​മു​ള്ള കു​ട്ടി എ​ന്നി​വ​ർ ആ​ണ് മ​രി​ച്ച​ത്. ഗു​രു​ത​ര​മാ​യ പ​രി​ക്കേ​റ്റ പ്ര​താ​പ​ന്‍റെ മൂ​ത്ത മ​ക​ൻ നി​ഹു​ലി​നെ (29) തി​രു​വ​ന​ന്ത​പു​ര​ത്തെ സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റി.

ഇ​ന്ന് പു​ല​ര്‍​ച്ചെ 1.45 ഓ​ടെ ര​ണ്ട് നി​ല കെ​ട്ടി​ട​ത്തി​നാ​ണ് തീ ​പി​ടി​ച്ച​ത്. വീടിനു മുന്നിൽ പാർക്ക് ചെയ്തിരുന്ന ബൈക്കുകൾക്കാണ് ആദ്യം തീപിടിച്ചതെന്നാണ് വിവരം. വീ​ട്ടി​ൽ നി​ന്ന് തീ ​ഉ​യ​രു​ന്ന​ത് ക​ണ്ട് സ​മീ​പ​വാ​സി​ക​ളാ​ണ് വി​വ​രം ഫ​യ​ർ ഫോ​ഴ്സി​നെ അ​റി​യി​ച്ച​ത്. തീ​യ​ണ​ച്ച് വീ​ട്ടി​ലു​ണ്ടാ​യി​രു​ന്ന​വ​രെ സ​മീ​പ​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച​പ്പോ​ഴേ​ക്കും അ​ഞ്ച് പേ​രും മ​രി​ച്ചി​രു​ന്നു.

വീ​ടി​ന്‍റെ ഉ​ൾ​ഭാ​ഗം പൂ​ർ​ണ​മാ​യി ക​ത്തി​യ നി​ല​യി​ലാ​ണെ​ന്ന് റൂ​റ​ൽ എ​സ്പി ദി​വ്യ ഗോ​പി​നാ​ഥ് പ​റ​ഞ്ഞു. തീ​പി​ടി​ത്ത​തി​ന്‍റെ കാ​ര​ണം അ​റി​യാ​ൻ വി​ശ​ദ​മാ​യ അ​ന്വേ​ഷ​ണം വേ​ണ​മെ​ന്നും മു​റി​ക​ളി​ലെ എ​സി​ക​ൾ ഉ​ൾ​പ്പെ​ടെ ക​ത്തി ന​ശി​ച്ചി​ട്ടു​ണ്ടെ​ന്നും എ​സ്പി പ​റ​ഞ്ഞു.

വ​ർ​ക്ക​ല പു​ത്ത​ൻ ച​ന്ത​യി​ലെ പ​ച്ച​ക്ക​റി വ്യാ​പാ​രി​യാ​ണ് പ്ര​താ​പ​ൻ. പ്ര​താ​പ​ന് മൂ​ന്ന് ആ​ൺ മ​ക്ക​ളാ​ണ് ഉ​ള്ള​ത്. ഒ​രു മ​ക​ൻ ബി​സി​ന​സ് ആ​വ​ശ്യ​ത്തി​നാ​യി മും​ബൈ​യി​ലാ​യി​രു​ന്നു. 

എല്ലാവരും ഉറങ്ങുകയായിരുന്നതിനാല്‍ എന്താണ് സംഭവിക്കുന്നതെന്ന് കുടുംബാംഗങ്ങള്‍ക്ക് മനസ്സിലായിട്ടുണ്ടാവില്ലെന്നും വീടിനുള്ളില്‍ കുടുങ്ങിപ്പോയതാവാമെന്നുമാണ് ഫയര്‍ഫോഴ്സിന്‍റെ പ്രാഥമിക നിഗമനം. പച്ചക്കറി വ്യാപാരിയാണ് പ്രതാപന്‍. ഷോർട്ട് സർക്യൂട്ടാണ് അപകട കാരണമെന്നാണ് പ്രാഥമിക സൂചന. മറ്റെന്തെങ്കിലും ദുരൂഹതയുണ്ടോ എന്നത് ഉള്‍പ്പെടെ പൊലീസ് പരിശോധിക്കുന്നുണ്ട്.

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ്  ന്റെ WhatsApp  ഗ്രൂപ്പിൽ അംഗമാവുക !

കൂടുതല്‍ വായനയ്ക്ക്...