ഡല്ഹി: കോവിഡ് വ്യാപനത്തിന്റെ പശ്ചാത്തലത്തില് ഏര്പ്പെടുത്തിയ നിയന്ത്രണങ്ങള് കേന്ദ്രസര്ക്കാര് പിന്വലിക്കുന്നു.
പൊതു സ്ഥലങ്ങളില് മാസ്ക് ധരിച്ചില്ലെങ്കില് ഇനി മുതല് കേസെടുക്കരുത്. ദുരന്ത നിവാരണ നിയമപ്രകാരമുള്ള നടപടികള് പിന്വലിക്കാന് കേന്ദ്രസര്ക്കാര് സംസ്ഥാനങ്ങള്ക്ക് നിര്ദേശം നല്കി. കേന്ദ്ര നിര്ദേശത്തിന്റെ അടിസ്ഥാനത്തില് സംസ്ഥാന സര്ക്കാര് പുതിയ ഉത്തരവ് ഇറക്കും.
കോവിഡ് മുന്കരുതല് എന്ന നിലയില് വ്യക്തികള്ക്ക് സ്വമേധയാ മാസ്ക് ധരിക്കുകയോ, ആള്ക്കൂട്ടത്തില് നിന്ന് അകന്നു നില്ക്കുകയോ ചെയ്യാം. അതല്ലാതെ പൊതു ഇടങ്ങളില് മാസ്ക് ധരിച്ചില്ല എന്നതിനാല് കേസെടുക്കുന്നത് അവസാനിപ്പിക്കണമെന്നാണ് കേന്ദ്രം നിര്ദേശിച്ചിട്ടുള്ളത്. ആള്ക്കൂട്ടത്തിനും കോവിഡ് നിയന്ത്രണ ലംഘനത്തിനും കേസ് വേണ്ടെന്ന് നിര്ദേശിച്ചിട്ടുണ്ട്.
കഴിഞ്ഞ ഏതാനും ആഴ്ചകളായി രാജ്യത്ത് കോവിഡ് കുത്തനെ കുറഞ്ഞു വരികയാണ്. ടിപിആര് ഒരു ശതമാനത്തിനും താഴെയാണ്. കേസുകള് ഗണ്യമായി കുറഞ്ഞ സാഹചര്യത്തില് ദുരന്ത നിവാരണ നിയമപ്രകാരമുള്ള നിയന്ത്രണങ്ങള് സംസ്ഥാനങ്ങള്ക്ക് ഒഴിവാക്കാമെന്നാണ് കേന്ദ്ര ആരോഗ്യമന്ത്രാലയം അറിയിച്ചിട്ടുള്ളത്.
Content Highlights: This is no longer the case if the mask is not worn in public; Center instructs states
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !