കൊച്ചി: സൂപ്പര് സ്ട്രൈക്കര് അല്വാരോ വാസ്ക്വെസ് കേരള ബ്ലാസ്റ്റേഴ്സ് വിട്ടു. ഇക്കാര്യം സ്ഥിരീകരിച്ച് ബ്ലാസ്റ്റേഴ്സ് ട്വീറ്റ് ചെയ്തിട്ടുണ്ട്. കഴിഞ്ഞ സീസണില് അവിസ്മരണീയ നിമിഷങ്ങള് സമ്മാനിച്ചതിന് നന്ദി അറിയിക്കുന്നതായി കേരള ബ്ലാസ്റ്റേഴ്സ് ട്വിറ്ററില് കുറിച്ചു.
ഐഎസ്എല്ലിന്റെ കഴിഞ്ഞ സീസണില് കേരള ബ്ലാസ്റ്റേഴ്സിനെ ഫൈനലിലെത്തിച്ചതില് നിര്ണായക പങ്കാണ് സ്പാനിഷ് താരത്തിനുള്ളത്. ബ്ലാസ്റ്റേഴ്സിന്റെ മിക്ക മത്സരങ്ങള്ക്കും കളത്തിലിറങ്ങിയ താരം സീസണില് എട്ട് ഗോളുകളും രണ്ട് അസിസ്റ്റും സ്വന്തമാക്കിയിരുന്നു.മേയ് 31വരെയാണ് വാസ്ക്വെസിന് ബ്ലാസ്റ്റേഴ്സുമായി കരാറുള്ളത്.
31കാരനായ വാസ്ക്വെസ് എഫ്സി ഗോവയിലേക്ക് ചേക്കേറുമെന്ന് നേരത്തെ തന്നെ റിപ്പോര്ട്ടുണ്ടായിരുന്നു. എഫ്സി ഗോവയുമായി വാസ്ക്വെസ് ധാരണയിലെത്തിയതായാണ് റിപ്പോര്ട്ട്. രണ്ട് വര്ഷ കരാറിലാണ് താരം ഗോവയിലെത്തുകയെന്നാണ് വിവരം.
വാസ്ക്വെസിനായി യുഎസ്, ചൈന എന്നീ രാജ്യങ്ങളില് നിന്നും മറ്റ് ചില ഐഎസ്എല് ക്ലബുകളും ശ്രമം നടത്തിയിരുന്നു. എന്നാല് ഗോവയില് കളിക്കാന് താരം സമ്മതം അറിയിക്കുകയായിരുന്നുവെന്നും റിപ്പോര്ട്ട് വ്യക്തമാക്കിയിരുന്നു.
Content Highlights: 'Thanks for the unforgettable moments'; Blasters say goodbye to Vazquez
For the many unforgettable moments in the last season, thank you @AlvaroVazquez91! 🤝🏼
— K e r a l a B l a s t e r s F C (@KeralaBlasters) May 31, 2022
Wishing you well for the challenges to come!
#YennumYellow #KBFC #കേരളബ്ലാസ്റ്റേഴ്സ് pic.twitter.com/Zd3WSIZqfe
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !