പത്തനംതിട്ടയില്‍ യുവതിയുടെ കുളിമുറി ദൃശ്യങ്ങള്‍ പകര്‍ത്തിയെന്ന് ആരോപണം. സംഭവത്തില്‍ കേസെടുത്ത പോലീസ് രണ്ട് യുവാക്കളെ അറസ്റ്റ് ചെയ്തു. പത്തനംതിട്ട പുറമറ്റത്താണ് സംഭവം. ശരത് എസ് പിള്ള, സേതു നായര്‍ എന്നിവരാണ് അറസ്റ്റിലായത്. കേസിലെ രണ്ടാം പ്രതി സേതുവിന്റെ ഫേസ്ബുക്കിലെ ഫ്രണ്ട് റിക്വസ്റ്റ് യുവതി നിരസിച്ചിരുന്നു. ഇതിലുള്ള പകപോക്കലാണ് സംഭവത്തിനു പിന്നിലെന്ന് സംശയിക്കുന്നു.
കൂടുതല്‍ തെളിവുകള്‍ക്കായി പ്രതികളുടെ ഫോണ്‍ ഫൊറന്‍സിക് ലാബിലേക്ക് അയച്ചു. ഇക്കഴിഞ്ഞ ഞായറാഴ്ച രാത്രിയിലാണ് സംഭവം. രണ്ടാം പ്രതിയായ സേതുനായരുടെ നിര്‍ദേശ പ്രകാരമാണ് ഒന്നാം പ്രതി ശരത്ത് എസ് പിള്ള പരാതിക്കാരിയായ യുവതിയുടെ വീട്ടിലെത്തി കുളിമുറിയിലെ ദൃശ്യങ്ങള്‍ പകര്‍ത്തിയത്. സേതുനായരാണ് യുവതിക്ക് ഫേസ്ബുക്കില്‍ റിക്വസ്റ്റ് അയച്ചത്. പല തവണ റിക്വസ്റ്റ് അയച്ചിട്ടും യുവതി സ്വീകരിക്കാത്തതിലുള്ള വൈരാഗ്യം മൂലമാണ് ശരത്തിനെ വിട്ട് ദൃശ്യങ്ങള്‍ പകര്‍ത്താന്‍ കാരണമെന്നാണ് പ്രതികള്‍ പോലീസില്‍ നല്‍കിയിരിക്കുന്ന മൊഴി.
യുവതിയും മകളും മാത്രം താമസിക്കുന്ന വീട്ടിലെത്തി ഒന്നാം പ്രതി ശരത് കുളിമുറിയുടെ വെന്റിലേഷനിലൂടെയാണ് ദൃശ്യങ്ങള്‍ പകര്‍ത്തിയത്. മൊബൈലില്‍ ദൃശ്യങ്ങള്‍ പകര്‍ത്തുന്നത് കണ്ട യുവതി പിറ്റേ ദിവസം രാവിലെ കോയിപ്രം പോലീസ് സ്റ്റേഷനില്‍ എത്തി പരാതി നല്‍കുകയായിരുന്നു.
Content Highlights: The youths filmed the bathroom scenes of the young woman for rejecting the front request
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !