നികുതി അടക്കാതെ നിരത്തിലിറങ്ങിയ ആഡംബര വാഹനത്തിന് പൂട്ടിട്ട് കൊണ്ടോട്ടി മോട്ടോര് വാഹന വകുപ്പ് ഉദ്യോഗസ്ഥര്. വാഹന പരിശോധനയ്ക്കിടെയാണ് പഞ്ചാബ് രജിസ്ട്രേഷനിലുള്ള ഓഡി എ ജി കാര് ഉദ്യോഗസ്ഥര് കസ്റ്റഡിയിലെടുത്തത്.
പഞ്ചാബില് നിന്ന് കൊണ്ടോട്ടി സ്വദേശി വാങ്ങിയ വാഹനം സംസ്ഥാനത്ത് രജിസ്ട്രേഷന് നടത്താതെ ദിവസങ്ങളായി നിരത്തില് ഓടിക്കൊണ്ടിരിക്കുകയായിരുന്നു.
കൊണ്ടോട്ടി ജോയിന്റ് ആര്ടിഒ രാമചന്ദ്രന്റെ നിര്ദേശപ്രകാരം എംവിഐ കെ ജി ദിലീപ് കുമാര് എ എം വി ഐമാരായ എസ് എസ് കവിതന് ,കെ ആര് റഫീഖ് എന്നിവരുടെ നേതൃത്വത്തില് വാഹന പരിശോധന നടത്തുന്നതിനിടെയാണ് കൊണ്ടോട്ടി കൊട്ടുക്കര നിന്നും ആഡംബരക്കാര് കസ്റ്റഡിയിലെടുത്തത്.
നികുതി ഇനത്തില് അടയ്ക്കേണ്ട ഏകദേശം ഒന്നര ലക്ഷത്തോളം രൂപ അടച്ചാല് മാത്രമേ വാഹനം വിട്ടു നല്കുകയൊള്ളു. കൊണ്ടോട്ടിയുടെ വിവിധ ഭാഗങ്ങളില് ഇത്തരത്തില് നികുതി വെട്ടിച്ച് സര്വീസ് നടത്തുന്ന വാഹനങ്ങള് ശ്രദ്ധയില്പ്പെട്ടിട്ടുണ്ടെന്നും വരും ദിവസങ്ങളില് പരിശോധന കര്ശനമാക്കുമെന്നും കൊണ്ടോട്ടി ജോയിന്റ് ആര്ടിഒ രാമചന്ദ്രന് പറഞ്ഞു
Content Highlights: Motor vehicle department has locked up the luxury vehicle that was on the road without paying tax
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !