കൊച്ചി: നെടുമ്ബാശ്ശേരി വിമാനത്താവളത്തില്‍ കൈക്കൂലി വാങ്ങി സ്വര്‍ണ്ണക്കടത്തിന് കൂട്ട് നിന്ന സംഭവത്തില്‍ രണ്ട് കസ്റ്റംസ് ഉദ്യോഗസ്ഥര്‍ക്ക് സസ്പെന്‍ഷന്‍.
അനീഷ്, ഉമേഷ് കുമാര്‍ സിംഗ് എന്നീ ഉദ്യോഗസ്ഥര്‍ക്കെതിരെയാണ് കസ്റ്റംസ് കമ്മീഷണറുടെ നടപടി. കഴിഞ്ഞ ദിവസം സൗദിയില്‍ നിന്നെത്തിയ യാത്രക്കാരന്‍റെ കൈവശമുണ്ടായിരുന്ന ഒരു കോടി രൂപ വില വരുന്ന സ്വര്‍ണ്ണം പുറത്തെത്തിക്കാന്‍ സഹായിച്ചതിനാണ് നടപടി. യാത്രക്കാരനില്‍ നിന്ന് വന്‍ തുക കൈക്കൂലി വാങ്ങിയ ശേഷമാണ് 250 ഗ്രാമില്‍ അധികം സ്വര്‍ണ്ണവുമായി പുറത്ത് കടക്കാന്‍ ഉദ്യോഗസ്ഥര്‍ അനുവദിച്ചത്.
എന്നാല്‍ ഇയാളെ വിമാനത്താവളത്തിന് പുറത്ത് വച്ച്‌ കസ്റ്റംസ് പ്രിവന്‍റീവ് വിഭാഗം പിടികൂടി. തുടര്‍ന്ന് നടന്ന ചോദ്യം ചെയ്യലിലാണ് ഉദ്യോഗസ്ഥരുടെ പങ്ക് വ്യക്തമായത്. സംഭവത്തില്‍ റിപ്പോര്‍ട്ട് സമര്‍പ്പിക്കാന്‍ കസ്റ്റംസ് കമ്മീഷണര്‍ നിര്‍‍ദേശിച്ചിരുന്നു. ഈ റിപ്പോര്‍ട്ടിന്‍റെ അടിസ്ഥാനത്തിലാണ് നടപടി. മുന്‍പും ഇത്തരത്തില്‍ ഉദ്യോഗസ്ഥരുടെ അറിവോടെ സ്വര്‍ണം കടത്തിയിട്ടുണ്ടോ എന്ന് പരിശോധിക്കുകയാണ് അധികൃതര്‍.
Content Highlights: Customs officers suspended for taking bribes and aiding gold smuggling at the airport
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !