ആദ്യത്തെ സമ്പൂര്ണ ഡിജിറ്റല് സംസ്ഥാനമാവാനുള്ള കേരളത്തിന്റെ ലക്ഷ്യത്തെ മുന്നിര്ത്തിയാണ് 'ഡിജിറ്റല് മലപ്പുറം' പദ്ധതി ആരംഭിച്ചത്. വ്യക്തിഗത ഇടപാടുകാര്ക്കിടയില് ഡെബിറ്റ് കാര്ഡ്, മൊബൈല് ബാങ്കിംഗ്, ഇന്റര്നെറ്റ് ബാങ്കിംഗ്, യുപിഐ, ആധാര് അധിഷ്ഠിത പണമിടപാട് സേവനങ്ങളും സംരംഭകര്ക്കും വ്യവസായികള്ക്കുമിടയില് നെറ്റ് ബാങ്കിംഗ്, ക്യുആര് കോഡ്, പിഒഎസ് മെഷീന് തുടങ്ങിയ സേവനങ്ങളും പ്രചരിപ്പിച്ച് ബാങ്കിംഗ് ഇടപാടുകള് നൂറ് ശതമാനം ഡിജിറ്റലൈസ് ചെയ്യുന്നതിനായുള്ള യജ്ഞമാണ് പരിസമാപ്തിയിലെത്തിയത്.
ജില്ലയിലെ ലീഡ് ബാങ്കായ കനറാ ബാങ്കിന്റെ നേതൃത്വത്തില് ജില്ലാ കലക്ടര് അധ്യക്ഷനും ജില്ലാ ലീഡ് ബാങ്ക് മാനേജര് കണ്വീനറുമായുള്ള ജില്ലാതല ബാങ്കേഴ്സ് വികസന സമിതിയാണ് പദ്ധതി ജില്ലയില് നടപ്പിലാക്കിയത്. ജില്ലയില് നിലവിലുള്ള സേവിംഗ്സ്്, കറന്റ് അക്കൗണ്ട് ഉപഭോക്താക്കള്ക്ക് ഏതെങ്കിലും ഒരു ഡിജിറ്റല് സാങ്കേതികത ഉപയോഗിച്ച് ഇടപാടുകള് നടത്താനുള്ള അറിവ് ലഭ്യമാക്കുന്ന പദ്ധതിയാണ് 'ഡിജിറ്റല് മലപ്പുറം'. പേപ്പര് കറന്സിയുടെ ഉപയോഗം കുറക്കാനുള്ള ശീലം ജനങ്ങളില് വളര്ത്തുകയെന്ന ലക്ഷ്യത്തോടെയാണ് കേന്ദ്ര സര്ക്കാരിന്റെ 'ഡിജിറ്റല് ഇന്ത്യ'യുടെ ചുവടുപിടിച്ച് റിസര്വ് ബാങ്കും എസ്.എല്.ബി.സിയും ബാങ്കുകളും ചേര്ന്ന് ഈ പദ്ധതി നടപ്പിലാക്കുന്നത്.
ചടങ്ങില് സ്റ്റേറ്റ് ലെവല് ബാങ്കേഴ്സ് കമ്മിറ്റി കണ്വീനര് എസ്.പ്രേംകുമാര് അദ്ധ്യക്ഷത വഹിച്ചു. തിരുവനന്തപുരം ആര് ബി ഐ ജനറല് മാനേജര് സെഡ്രിക് ലോറെന്സ്, സംസ്ഥാന തല ബാങ്കേഴ്സ് സമിതിയെ പ്രതിനിധി ശ്രീകുമാര് എസ്, കാനറാ ബാങ്ക് മലപ്പുറം എ ജി എം ശ്രീവിദ്യ, ആര് ബി ഐ യുടെ മലപ്പുറം എല് ഡി ഓ പ്രദീപ് കൃഷ്ണ മാധവ് , എല് ഡി എം ജിതേന്ദ്രന് പി പി , അന്വര്,ദ്വാരകഉണ്ണി, സുരേഷ് ബാബു , സി എച് സിയാദ് ,അന്നമ്മ സെബാസ്റ്റ്യന് എന്നിവര് സംസാരിച്ചു.
പദ്ധതി വിജയമാക്കുവാന് സഹായിച്ച ഒതുക്കുങ്ങല് സര്ക്കാര് ഹയര് സെക്കണ്ടറി സ്കൂളിലെ എന്എസ്എസ് വിദ്യാര്ഥികള്, എഫ് എല് സി, സി എഫ് എല് മെംബര്മാര്, വിവിധ ബാങ്കുകളുടെ പ്രതിനിധികള് എന്നിവരെ ചടങ്ങില് ആദരിച്ചു.
Content Highlights: 'Digital Malappuram' project concluded; The district has been declared a fully digital district
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !