കാശ്മീരിനെക്കുറിച്ച് ഫേസ്ബുക്കിൽ വിവാദമായ പരാമർശം നടത്തിയ സംഭവത്തിൽ മുൻമന്ത്രിയും എം എൽ എയുമായ കെ.ടി ജലീലിനെതിരെ പൊലീസ് കേസെടുത്തു. കീഴ്വായ്പൂർ പൊലീസ് ആണ് കേസെടുത്തത്. തിരുവല്ല കോടതി ഉത്തരവിനെത്തുടർന്നാണ് നടപടി. ജലീലിന്റെ പോസ്റ്റ് കലാപ ഉദ്ദേശത്തോടെയാണെന്നാണ് എഫ് ഐ ആറിൽ പറയുന്നത്.
ജലീലിനെതിരെ നടപടി ആവശ്യപ്പെട്ട് ആർ.എസ്.എസ് നേതാവും മല്ലപ്പള്ളി എഴുമറ്റൂർ സ്വദേശിയുമായ അരുൺ മോഹൻ നൽകിയ ഹർജിയിൽ തിരുവല്ല ഒന്നാം ക്ലാസ് ജുഡീഷ്യൽ മജിസ്ട്രേട്ട് രേഷ്മ ശശിധരനാണ് കേസെടുക്കാൻ കീഴ്വായ്പൂർ എസ്.എച്ച്.ഒയ്ക്ക് നിർദ്ദേശം നൽകിയത്.
കേസെടുക്കണമെന്ന ആവശ്യം ഉന്നയിച്ച് കീഴ്വായ്പൂർ പൊലീസ് സ്റ്റേഷനിൽ പരാതി നൽകിയിട്ടും നടപടി ഇല്ലാതിരുന്ന സാഹചര്യത്തിലാണ് അരുൺ കോടതിയെ സമീപിച്ചത്. പാക് അധിനിവേശ കാശ്മീരിനെ 'ആസാദ് കാശ്മീർ' എന്ന് ഫേസ്ബുക്കിൽ പോസ്റ്റിട്ടതാണ് വിവാദമായത്. വ്യാപക വിമർശനം ഉയർന്നതോടെ ജലീൽ പോസ്റ്റ് പിൻവലിച്ചിരുന്നു.
Content Highlights: FIR that the FB post was with rioting intent; Police registered a case against KT Jaleel
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !