ഓണം റിലീസുകളില് പ്രധാനപ്പെട്ട ഒന്നാണ് വിനയന് സംവിധാനം ചെയ്തിരിക്കുന്ന പത്തൊമ്ബതാം നൂറ്റാണ്ട്.
വിനയന്റെ കരിയറില് ഏറ്റവും വലിയ കാന്വാസില് ഒരുങ്ങിയിട്ടുള്ള ചിത്രമാണിത്. ബിഗ് ബജറ്റ് പിരീഡ് ഡ്രാമ ചിത്രത്തില് സിജു വില്സണ് ആണ് നായകന്. മലയാളത്തിനു പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ഒരേ ദിവസമാണ് ചിത്രത്തിന്റെ റിലീസ്. സെപ്റ്റംബര് 8 ആണ് റിലീസ് തീയതി. ഇന്ത്യയ്ക്കൊപ്പം ജിസിസിയിലും ഇതേ ദിവസം തന്നെ ചിത്രം പ്രദര്ശനത്തിനെത്തുമെന്ന് വിനയന് അറിയിച്ചു. സാമൂഹിക പരിഷ്കര്ത്താവായിരുന്ന ആറാട്ടുപുഴ വേലായുധപ്പണിക്കരെയാണ് ചിത്രത്തില് ,സിജു അവതരിപ്പിക്കുന്നത്.
പത്തൊന്പതാം നൂറ്റാണ്ടിലെ കേരളമാണ് ഈ ചിത്രത്തിന്റെ പശ്ചാത്തലം. സിജു വില്സണ് അവതരിപ്പിക്കുന്ന ആറാട്ടുപുഴ വേലായുധപ്പണിക്കരെ കൂടാതെ കായംകുളം കൊച്ചുണ്ണിയും നങ്ങേലിയുമൊക്കെ ചിത്രത്തില് പ്രാധാന്യത്തോടെ കടന്നുവരുന്നുണ്ട്. നേരത്തെ മെറ്റാവേഴ്സില് ചിത്രത്തിന്റെ ട്രെയിലര് പുറത്തിറക്കിയിരുന്നു. ശ്രീ ഗോകുലം മൂവീസിന്റെ ബാനറില് ഗോകുലം ഗോപാലനാണ് ചിത്രത്തിന്റെ നിര്മ്മാണം. സഹനിര്മ്മാതാക്കള് വി സി പ്രവീണ്, ബൈജു ഗോപാലന് എന്നിവരാണ്. കൃഷ്ണമൂര്ത്തിയാണ് എക്സിക്യൂട്ടീവ് പ്രൊഡ്യൂസര്. കയാദു ലോഹര് ആണ് നായിക.
അനൂപ് മേനോന്, ചെമ്ബന് വിനോദ്, സുദേവ് നായര്, ഗോകുലം ഗോപാലന്, ടിനിടോം, ഇന്ദ്രന്സ്, രാഘവന്, അലന്സിയര്, മുസ്തഫ, ജാഫര് ഇടുക്കി, ചാലിപാല, ശരണ്, ഡോ. ഷിനു, വിഷ്ണു ഗോവിന്ദ്, സ്ഫടികം ജോര്ജ്, സുനില് സുഖദ, ജയന് ചേര്ത്തല, ബൈജു എഴുപുന്ന, സുന്ദര പാണ്ഡ്യന് എന്നിവരും ചിത്രത്തിലുണ്ട്. ഇതിനകം സെന്സറിംഗ് പൂര്ത്തിയാക്കിയിട്ടുള്ള ചിത്രത്തിന് കട്ടുകളൊന്നും കൂടാതെ യു/എ സര്ട്ടിഫിക്കറ്റ് ആണ് ലഭിച്ചിരിക്കുന്നത്. സെന്സര് ബോര്ഡ് അംഗങ്ങള്ക്കും ചിത്രം ഇഷ്ടപ്പെട്ടുവെന്ന് വിനയന് സോഷ്യല് മീഡിയയില് കുറിച്ചിരുന്നു.
Content Highlights: In five languages on the same day; The nineteenth century arrives to amaze
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !