ന്യൂഡല്ഹി: റോഡിലെ കുഴിയില് വീണുണ്ടാകുന്ന അപകടങ്ങളില് മരിക്കുന്നവരുടെ എണ്ണം ദിനംപ്രതി വര്ദ്ധിക്കുകയാണ്.
ഇത്തരമൊരു അവസ്ഥയ്ക്ക് പരിഹാരം കാണാന് സര്ക്കാറിന്റെ ഭാഗത്ത് നിന്ന് ശ്രമങ്ങള് ഉണ്ടാകുന്നുമുണ്ട്. ഇതിനിടെ ദേശീയപാതയിലെ കുഴികളും, ശോചനീയാവസ്ഥയും അധികൃതരെ അറിയിക്കുന്നതിന് പ്രത്യേക മൊബൈല് ആപ്പും, ഓണ്ലൈന് സംവിധാനവും ഉടന് നിലവില് വരുമെന്നാണ് കേന്ദ്ര സര്ക്കാര് വൃത്തങ്ങള് അറിയിക്കുന്നത്.
ദേശീയപാത അതോറിറ്റിയാണ് പുതിയ സംവിധാനം തയ്യാറാക്കുന്നത്. ലഭിക്കുന്ന പരാതികളില് നടപടിയെടുക്കുന്നതിന് സമയപരിധി നിശ്ചയിക്കും. അതില് വീഴ്ച വരുത്തിയാല് പിഴ ഉള്പ്പടെയുള്ള ശിക്ഷാനടപടികള് ഈടാക്കുന്നതിനുള്ള വ്യവസ്ഥ കൊണ്ടുവരുമെന്നും കേന്ദ്ര സര്ക്കാര് വൃത്തങ്ങള് അറിയിച്ചു.
റോഡിലെ കുഴികള് മൂലം ഉണ്ടാക്കുന്ന അപകടങ്ങളെത്തുടര്ന്ന് രാജ്യത്ത് പ്രതിവര്ഷം ശരാശരി 2300 പേര്ക്ക് ജീവന് നഷ്ടപ്പെടുന്നുവെന്ന് കേന്ദ്ര സര്ക്കാര്. കേന്ദ്ര ഉപരിതല ഗതാഗത മന്ത്രാലയം പുറത്തിറക്കിയ 2016 മുതല് 2020 വരെയുള്ള കണക്കുകളിലാണ് ഇക്കാര്യം വ്യക്തമാക്കുന്നത്. 2021 ലെ കണക്ക് ഇതുവരെയും കേന്ദ്ര സര്ക്കാര് പ്രസിദ്ധീകരിച്ചിട്ടില്ല.
Content Highlights: Pothole on National Highway: Now App and Website to Complain
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !