മാറാക്കര ഗ്രാമ പഞ്ചായത്ത് മുഴങ്ങാണി വലിയനിരപ്പിൽ സ്ഥാപിച്ച പൊതു ശ്മശാനം ഈ മാസം അവസാനത്തോട് കൂടി ഉദ്ഘാടനം ചെയ്യും. ജില്ലാ -ബ്ലോക്ക് -ഗ്രാമ പഞ്ചായത്ത് ഫണ്ടുകളിൽ നിന്നും സംയുക്തമായി ഏകദേശം ഒരു കോടിയോളം രൂപ ചിലവഴിച്ചാണ് നിർമാണം പൂർത്തീകരിച്ചിട്ടുള്ളത്.
ഗ്യാസ് കൃമിറ്റോറിയം ആണ് ഭൗതിക ശരീരം സംസ്കരിക്കുന്നതിന് വേണ്ടി നിലവിൽ സ്ഥാപിച്ചിട്ടുള്ളത്. നിർമാണം പൂർത്തീകരിച്ചിട്ട് ദിവസങ്ങൾ ആയിരുന്നെങ്കിലും സർക്കാരിലേക്ക് സമർപ്പിച്ച ബൈലോ അംഗീകാരം ലഭിക്കാൻ കാത്തിരിക്കുകയായിരുന്നു. മാറാക്കര പഞ്ചായത്ത് നേരിട്ടാണ് ശ്മശാനം നടത്തിപ്പ് ചുമതല നിർവഹിക്കുന്നത്. വിറക് ശ്മശാനവും ഇവിടെ പഞ്ചായത്ത് ഭരണ സമിതി ഉദ്ദേശിക്കുന്നുണ്ട്. ശ്മശാനത്തിന്റെ നടത്തിപ്പിനും സൂക്ഷിപ്പിനുമായി കെയർ ടേക്കറെ ഇതിനോടകം പഞ്ചായത്ത് നിയമിച്ചിട്ടുണ്ട്.
പഞ്ചായത്ത് പ്രസിഡന്റ് ടിപി സജ്ന ടീച്ചറുടെ നേതൃത്വത്തിൽ വൈസ് പ്രസിഡന്റ് ഉമറലി കരേക്കാട്, സ്ഥിരം സമിതി അധ്യക്ഷന്മാരായ ഒപി കുഞ്ഞിമുഹമ്മദ്, ശരീഫ ബഷീർ, പാമ്പലത്ത് നജ്മത്ത് എന്നിവർ സ്ഥലം സന്ദർശിച്ച് പ്രവർത്തന പുരോഗതി വിലയിരുത്തി..മാറാക്കര പഞ്ചായത്തിന് പുറത്തുള്ളവർക്കും ഈ സംവിധാനം ഉപയോഗിക്കാമെന്ന് പഞ്ചായത്ത് പ്രസിഡന്റ് ടിപി സജ്നടീച്ചർ, വൈസ്പ്രസിഡന്റ് ഉമറലി കരേക്കാട് എന്നിവർ അറിയിച്ചു.
Content Highlights: Marakara gram panchayat public crematorium ready for inauguration
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !