ഡല്ഹി: ഹത്രസിലേക്കുള്ള യാത്രക്കിടെ അറസ്റ്റിലായ മാധ്യമ പ്രവര്ത്തകന് സിദ്ദിഖ് കാപ്പന്്റെ ജാമ്യഹര്ജി സുപ്രിം കോടതി ചീഫ് ജസ്റ്റിസ് യു യു ലളിത് അധ്യക്ഷനായ ബഞ്ച് ഇന്ന് പരിഗണിക്കും.
കാപ്പന് ജാമ്യം അനുവദിക്കരുതെന്നും പോപ്പുലര് ഫ്രണ്ടിന്റെ ഉന്നത നേതാക്കളുമായി ബന്ധമുണ്ടെന്നും യുപി സര്ക്കാര് കോടതിയില് സമര്പ്പിച്ച സത്യവാങ്മൂലത്തില് പറയുന്നു. വര്ഗീയ സംഘര്ഷങ്ങളും ഭീകരതയും വളര്ത്തുന്നതിനായിനടന്ന ഗൂഢാലോചനയുടെ ഭാഗമാണ് കാപ്പന്. അറസ്റ്റിന് മുന്പായി ബാങ്ക് അക്കൗണ്ടിലേക്ക് വന്ന 45,000 രൂപയുടെ ഉറവിടം വ്യക്തമാക്കാന് കഴിഞ്ഞിട്ടില്ലെനും സര്ക്കാര് സുപ്രിം കോടതിയില് ഫയല് ചെയ്ത സത്യവാങ്മൂലത്തിലുണ്ട്.
സിദ്ദിഖ് കാപ്പന്റെ ജാമ്യഹര്ജിയില് ഉത്തര്പ്രദേശ് സര്ക്കാരിന് സുപ്രിംകോടതി നേരത്തെ നോട്ടീസ് അയച്ചിരുന്നു. യുപി സര്ക്കാരിനോട് രേഖാമൂലം വിശദീകരണം നല്കാനാണ് കോടതി ആവശ്യപ്പെട്ടിരിക്കുന്നത്. തെളിവുകളില്ലെന്ന് മുതിര്ന്ന അഭിഭാഷകന് കപില് സിബല് വാദിച്ചപ്പോള് കുറ്റകൃത്യത്തിന് കാപ്പന് പങ്കുണ്ടെന്നായിരുന്നു യുപി സര്ക്കാരിന്റെ വിശദീകരണം.
കുറ്റകൃത്യത്തില് തന്റെ കക്ഷിക്ക് പങ്കില്ലെന്നും സഹയാത്രികര് പോപ്പുലര് ഫ്രണ്ട് അംഗങ്ങളാണെന്നുവച്ച് അദ്ദേഹം പോപ്പുലര് ഫ്രണ്ടില് അംഗമല്ലെന്നും സിദ്ദിഖ് കാപ്പന് വേണ്ടി ഹാജരായ കപില് സിബല് വാദിച്ചു. പത്രപ്രവര്ത്തകനെന്ന ജോലി ചെയ്യാനുള്ള യാത്രയാണ് നടത്തിയതെന്നും ഇല്ലാത്ത കുറ്റങ്ങള് ചുമത്തി ഉത്തര്പ്രദേശ് പൊലീസ് കസ്റ്റഡിയിലെടുക്കുകയായിരുന്നു എന്നും കാപ്പന്റെ ഹര്ജിയില് പറഞ്ഞു. സാങ്കേതിക കാരണങ്ങള് പറഞ്ഞാണ് ഹൈക്കോടതി ജാമ്യാപേക്ഷ തള്ളിയതെന്നും ഹര്ജിയില് ചൂണ്ടിക്കാട്ടിയിരുന്നു. 2020 ഒക്ടോബറിലാണ് കാപ്പനെ യുപി പൊലീസ് കസ്റ്റഡിയിലെടുത്തത്.
Content Highlights: The Supreme Court will hear the bail plea of Siddique Kappan today
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !