.jpg)
കൊച്ചി: സപ്ലൈകോ ഔട്ട്ലെറ്റുകളില് നിന്നും സബ്സിഡി സാധനങ്ങള് വാങ്ങാന് ഇന്നു മുതല് ബാര്കോഡ് സ്കാനിങ്ങ് സംവിധാനം. റേഷന് കാര്ഡ് നമ്പര് ടൈപ്പ് ചെയ്യുന്നതിന് പകരം ബാര്കോഡ് സ്കാനര് ഉപയോഗിച്ച് റേഷന് കാര്ഡ് നമ്പര് സ്കാന് ചെയ്തുമാത്രം നല്കാന് സപ്ലൈകോ സിഎംഡി ഡോ. സഞ്ജീബ് പട്ജോഷി നിര്ദേശം നല്കി.
സപ്ലൈകോയുടെ ഹൈപ്പര്മാര്ക്കറ്റുകളിലും പീപ്പിള്സ് ബസാറുകളിലും ഇന്നുമുതല് ഇതുപാലിക്കാന് ആവശ്യപ്പെട്ടിട്ടുണ്ട്. ഉപഭോക്താക്കളുടെ അറിവോ സമ്മതമോ ഇല്ലാതെ റേഷന് കാര്ഡ് നമ്പര് നല്കി സബ്സിഡി ദുരുപയോഗം ചെയ്യുന്നതുസംബന്ധിച്ച് പരാതികള് ഉയര്ന്ന സാഹചര്യത്തിലാണിത്.
ബാര്കോഡ് സ്കാനര് ഉപയോഗിച്ച് കാര്ഡ് നമ്പര് എന്റര് ചെയ്യുമ്പോള് തെറ്റുകള് വരാനുള്ള സാധ്യതയും കുറയും. സപ്ലൈകോ ഔട്ട്ലെറ്റുകലില് നിന്ന് സബ്സിഡി സാധനങ്ങള് വാങ്ങുന്നതിന് റേഷന് കാര്ഡോ, മൊബൈല് ഫോണിലെ ഡിജിലോക്കറില് സൂക്ഷിച്ചിട്ടുള്ള ഡിജിറ്റല് റേഷന്കാര്ഡോ ഹാജരാക്കണം.
സപ്ലൈകോ സൂപ്പര്മാര്ക്കറ്റുകളിലും മാവേലി സൂപ്പര് സ്റ്റോറുകളിലും വരുംദിവസങ്ങളില് ഈ സംവിധാനം വ്യാപിപ്പിക്കുമെന്നും സപ്ലൈകോ അറിയിച്ചു. സപ്ലൈകോ വില്പ്പനശാലകളിലൂടെ 13 ഇനം സാധനങ്ങളാണ് സബ്സിഡി നിരക്കില് വില്പ്പന നടത്തുന്നത്.
Content Highlights: Want subsidized goods?, ration card required
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !