ജി 20 രാജ്യങ്ങളില്‍ നിന്നുള്ള യാത്രക്കാര്‍ക്ക് ഇന്ത്യ സന്ദര്‍ശിക്കുമ്ബോള്‍ പേയ്‌മെന്റുകള്‍ക്കായി ഇപ്പോള്‍ യൂണിഫൈഡ് പേയ്മെന്റ് ഇന്റര്‍ഫേസ് (യുപിഐ) ഉപയോഗിക്കാമെന്ന് റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) പ്രഖ്യാപിച്ചിട്ടുണ്ട്.
കഴിഞ്ഞ ധന നയ യോഗത്തിനു ശേഷമായിരുന്നു ആര്‍ബിഐ ഗവര്‍ണറുടെ പ്രഖ്യാപനമുണ്ടായത്.
ബെംഗളുരു, മുംബൈ, ദില്ലി എന്നിങ്ങനെ തിരഞ്ഞെടുത്ത അന്താരാഷ്ട്ര വിമാനത്താവളങ്ങളില്‍ എത്തുന്ന ജി 20 രാജ്യങ്ങളില്‍ നിന്നുള്ള യാത്രക്കാര്‍ക്കായാണ് ഈ സൗകര്യം ആദ്യം അവതരിപ്പിക്കുന്നത്. ഇതിനായി യുപിഐ-ലിങ്ക്ഡ് 'പ്രീപെയ്ഡ് പേയ്മെന്റ് ഇന്‍സ്ട്രുമെന്റ് വാലറ്റുകള്‍' യാത്രക്കാര്‍ക്ക് നല്‍കും. ക്യൂആര്‍ കോഡ് അടിസ്ഥാനമാക്കിയുള്ള യുപിഐ പേയ്‌മെന്റുകള്‍ സ്വീകരിക്കുന്ന ഇന്ത്യയിലുടനീളമുള്ള 50 ദശലക്ഷത്തിലധികം ഷോപ്പുകളില്‍ പേയ്‌മെന്റുകള്‍ നടത്താന്‍ യാത്രക്കാര്‍ക്ക് ഇത് ഉപയോഗിക്കാം.
തുടക്കത്തില്‍, ഐ സി ഐ സി ഐ ബാങ്ക്, ഐഡിഎഫ്‌സി ഫസ്റ്റ് ബാങ്ക്, പൈന്‍ ലാബ്‌സ് പ്രൈവറ്റ് ലിമിറ്റഡ്, ട്രാന്‍സ്‌കോര്‍പ്പ് ഇന്റര്‍നാഷണല്‍ ലിമിറ്റഡ് എന്നിവ യുപിഐ-ലിങ്ക്ഡ് വാലറ്റുകള്‍ നല്‍കും.
അര്‍ജന്റീന, ഓസ്‌ട്രേലിയ, ബ്രസീല്‍, കാനഡ, ചൈന, ഫ്രാന്‍സ്, ജര്‍മ്മനി, ഇന്ത്യ, ഇന്തോനേഷ്യ, ഇറ്റലി, ജപ്പാന്‍, റിപ്പബ്ലിക് ഓഫ് കൊറിയ, മെക്‌സിക്കോ, റഷ്യ, സൗദി അറേബ്യ, ദക്ഷിണാഫ്രിക്ക, തുര്‍ക്കി, യുണൈറ്റഡ് കിംഗ്ഡം, യുണൈറ്റഡ് സ്റ്റേറ്റ്സ്, യൂറോപ്യന്‍ യൂണിയന്‍. എന്നിവയുള്‍പ്പെടെയുള്ള വികസിതവും വികസ്വരവുമായ സമ്ബദ്‌വ്യവസ്ഥകളുടെ ഫോറമാണ് ജി 20.
വിദേശ പൗരന്മാര്‍ക്കും ഇന്ത്യ സന്ദര്‍ശിക്കുന്ന എന്‍ആര്‍ഐകള്‍ക്കും യു പി ഐ ഉപയോഗിക്കാന്‍ അനുമതി നല്‍കാനുള്ള ആര്‍ബിഐയുടെ തീരുമാനം ഡിജിറ്റല്‍ ഇടപാട് രംഗത്ത് വന്‍ കുതിച്ചുചാട്ടം ഉണ്ടാക്കിയേക്കും. ഇതിലൂടെ ഇടപാടുകള്‍ സുഗമമാക്കുകയും യാത്രക്കാര്‍ക്കുള്ള പേയ്‌മെന്റുകള്‍ ലളിതമാക്കുകയും ചെയ്യാന്‍ സാധിക്കും.
Content Highlights: Few nationalities can now use UPI when they arrive in India
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !