കോഴിക്കോട്: മെഡിക്കല് കോളജില് പ്രസവ ശസ്ത്രക്രിയക്കിടയില് കത്രിക വയറ്റില് മറന്നുവെച്ച സംഭവത്തിലെ പരാതിക്കാരിയായ ഹര്ഷിനയ്ക്ക് മുഖ്യമന്ത്രിയുടെ ദുരിതാശ്വാസ നിധിയില് നിന്ന് രണ്ട് ലക്ഷം രൂപ അനുവദിക്കും. ബുധനാഴ്ച ചേര്ന്ന മന്ത്രിസഭാ യോഗത്തിന്റേതാണ് തീരുമാനം.
ആരോഗ്യവകുപ്പിന്റെ കീഴില് നടത്തിയ രണ്ട് അന്വേഷണങ്ങളിലും ശസ്ത്രക്രിയ ഉപകരണം ഏതവസരത്തിലാണ് വയറ്റില് കുടുങ്ങിയതെന്ന് കണ്ടെത്താന് കഴിയാത്ത സാഹചര്യത്തില് ആഭ്യന്തര വകുപ്പ് അന്വേഷണം നടത്താനും മന്ത്രിസഭാ യോഗത്തില് തീരുമാനമായി.
സംഭവത്തില് ആരോഗ്യമന്ത്രി വീണാ ജോര്ജ് നേരിട്ട് നല്കിയ ഉറപ്പ് പാലിക്കാത്തതില് പ്രതിഷേധിച്ച് സെക്രട്ടറിയേറ്റിന് മുന്നില് സമരം ആരംഭിക്കാനൊരുങ്ങുകയാണ് ഹര്ഷിന. ആരോഗ്യമന്ത്രി ഹര്ഷിനയെ നേരിട്ട് കാണുകയും രണ്ടാഴ്ചക്കകം പ്രശ്നത്തിന് പരിഹാരം ഉണ്ടാകുമെന്ന് ഉറപ്പ് നല്കുകയും ചെയ്തിരുന്നു. എന്നാല് മൂന്നാഴ്ച കഴിഞ്ഞിട്ടും നടപടി ഇല്ലായപ്പോള് ഹര്ഷിന ആരോഗ്യമന്ത്രിയെ ബന്ധപ്പെടാന് ശ്രമിച്ചെങ്കിലും മറുപടി ഒന്നും ലഭിച്ചില്ല. ഇതോടെയാണ് സമരവുമായി വീണ്ടും മുന്നോട്ടുപോകാനുള്ള ഹര്ഷിനയുടെ തീരുമാനം.
Content Highlights: Incident of forgetting the scissors in the abdomen during labor surgery; Harshina will be given two lakh rupees
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !