സൗഹൃദ മത്സരത്തിൽ കുറസാവോക്കെതിരെ വമ്പൻ ജയം സ്വന്തമാക്കി അർജന്റീന. ലയണൽ മെസ്സിയുടെ ഹാട്രിക് കണ്ട മത്സരത്തിൽ ഏകപക്ഷീയമായ 7 ഗോളുകൾക്കാണ് അർജന്റീന ജയം സ്വന്തമാക്കിയത്.
മത്സരത്തിന്റെ 20മത്തെ മിനുട്ടിൽ മെസ്സിയിലൂടെയാണ് അർജന്റീന ഗോളടി തുടങ്ങിയത്. അർജന്റീനക്ക് വേണ്ടിയുള്ള മെസ്സിയുടെ നൂറാമത്തെ ഗോൾ കൂടിയായിരുന്നു ഇത്. തുടർന്ന് ആദ്യ പകുതി അവസാനിക്കുന്നതിന് മുൻപ് തന്നെ മെസ്സി തന്റെ ഹാട്രിക് പൂർത്തിയാക്കി. ആദ്യ പകുതിയുടെ 33, 37 മിനുറ്റുകളിലായിരുന്നു താരത്തിന്റെ ഗോൾ. കഴിഞ്ഞ ദിവസം പനാമക്കെതിരെ മെസ്സി തന്റെ കരിയറിലെ 800മത്തെ ഗോളും നേടിയിരുന്നു.
അർജന്റീനക്ക് വേണ്ടി നിക്കോളാസ് ഗോൺസാലസും എൻസോ ഫെർണാണ്ടസുമാണ് ആദ്യ പകുതിയിൽ മറ്റു ഗോളുകൾ നേടിയത്. ആദ്യ പകുതിയിൽ 16 മിനുറ്റിനിടെയാണ് അർജന്റീന 5 ഗോളുകൾ അടിച്ചുകൂട്ടിയത്. മത്സരത്തിന്റെ തുടക്കത്തിൽ അർജന്റീനയോട് പിടിച്ചുനിൽക്കുന്നു പ്രകടനം കുറസാവോ നടത്തിയെങ്കിലും ആദ്യ ഗോൾ വീണതോടെ അർജന്റീന മത്സരം കൈപിടിയിലൊതുക്കുകയായിരുന്നു.
രണ്ടാം പകുതിയിൽ മാറ്റങ്ങളുമായി ഇറങ്ങിയ അർജന്റീന പെനാൽറ്റിയിലൂടെ ആറാമത്തെ ഗോളും നേടി. ഡി മരിയയാണ് പെനാൽറ്റിയിലൂടെ ആറാമത്തെ ഗോൾ നേടിയത്. തുടർന്ന് മത്സരം അവസാനിക്കാൻ മിനുട്ടുകൾ ബാക്കി നിൽക്കെ മോന്റിയാലിലൂടെ അർജന്റീന തങ്ങളുടെ ഗോൾ പട്ടിക പൂർത്തിയാക്കി. റാങ്കിങ്ങിൽ താഴെയുള്ള കുറസാവോക്കെതിരെ ഒരു ദയയുമില്ലാതെ പ്രകടനമാണ് അർജന്റീന നടത്തിയത്.
ഏറ്റവും പുതിയ വാർത്തകൾ:
Content Highlights: Messi with hat-trick; Argentina beat Curaçao in friendly match (7-0)
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !