വളാഞ്ചേരി: ക്വാർട്ടേഴ്‌സുകൾ കേന്ദ്രീകരിച്ച് ലഹരി വിൽപ്പന നടത്തിവന്ന അന്യസംസ്ഥാന തൊഴിലാളികൾ വളാഞ്ചേരി പൊലീസിന്റെ പിടിയിലായി.കൊൽക്കത്ത സ്വദേശികളായ മുസ്‌താക്കിൻ ഷേക്ക് , സരിക്കുൾ ഇസ്ലാം, പ്രോസെൻജിത് മണ്ഡൽ എന്നിവരെയാണ് വളാഞ്ചേരി പൊലീസ് സബ് ഇൻസ്‌പെക്ടർ ജലീൽ കറുത്തേടത്ത്,സിവിൽ പൊലീസ് ഓഫീസർമാരായ ഗിരീഷ്,ക്ലിൻ്റ്,ഷഫീഖ്,
സനിൽ തുടങ്ങിയവരടങ്ങിയ സംഘം അറസ്റ്റു ചെയ്തത്.വളാഞ്ചേരി കൊട്ടാരത്തെ ക്വാർട്ടേഴ്സിൽ നിന്നുമാണ് സംഘത്തെ അറസ്റ്റു ചെയ്തത്. ഇവരിൽ നിന്നും നാലു ഗ്രാം ബ്രൗൺ ഷുഗർ കണ്ടെടുത്തു.
നാട്ടിൽ പോയി തിരിച്ചു വരുന്ന സമയം ലഹരി വസ്തുക്കൾ കൊണ്ടുവരികയും പിന്നീട് ആവശ്യക്കാർക്ക് ബോട്ടിലുകളിലാക്കി വിൽപ്പന നടത്തുകയുമായിരുന്നു സംഘം.
പ്രതികളെ തിരൂർ കോടതി മുൻപാകെ ഹാജരാക്കി തിരൂർ സബ് ജയിലിൽ റിമാൻഡ് ചെയ്തു.
Content Highlights: Drug sale concentrated in quarters in Valancherry.. Three foreign workers arrested
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !