വാരപ്പെട്ടിയില് നൂറുകണക്കിന് കുലവാഴകള് വെട്ടിനിരത്തിയ കെഎസ്ഇബി നടപടിയില് മനുഷ്യാവകാശകമ്മീഷന് സ്വമേധയാ കേസെടുത്തു.
മാധ്യമ വാര്ത്തകളുടെ അടിസ്ഥാനത്തില് സ്വമേധയാ രജിസ്റ്റര് ചെയ്ത കേസിലാണ് നടപടി. കെഎസ്ഇബി ചെയര്മാന് 15 ദിവസത്തിനകം വിശദീകരണം സമര്പ്പിക്കണമെന്ന് കമ്മീഷന് അംഗം അംഗം വി. കെ ബീനാകുമാരി ആവശ്യപ്പെട്ടു.
ഇടുക്കി-കോതമംഗലം 220 കെവി ലൈനിനു കീഴില് കൃഷി ചെയ്ത വാഴകള് കെഎസ്ഇബി ഉദ്യോഗസ്ഥര് വെട്ടിമാറ്റിയ സംഭവത്തിലാണ് മനുഷ്യാവകാശ കമ്മീഷന് ഇടപെടല്. ലൈനിന് താഴെയുള്ള ഭൂമിയില് കൃഷി ചെയ്തിരുന്ന 406 ഏത്തവാഴകളാണ് ടച്ചിങ് വെട്ടലിന്റെ പേരില് മുന്നറിയിപ്പില്ലാതെ കെഎസ്ഇബി. ജീവനക്കാര് വെട്ടിനശിപ്പിച്ചത്. ഓണവിപണി ലക്ഷ്യമിട്ട് കൃഷിയിറക്കിയ കര്ഷകന് ഇതിലൂടെ ലക്ഷങ്ങളുടെ നഷ്ടമാണുണ്ടായത്.
സംഭവത്തില് കര്ഷകന് ഉചിതമായ നഷ്ടപരിഹാരം നല്കുമെന്ന് വൈദ്യുതി മന്ത്രി കെ.കൃഷ്ണന്കുട്ടി നിയമസഭയില് അറിയിച്ചിരുന്നു. കെഎസ്ഇബിയുടെ പ്രസരണ വിഭാഗം ഡയറക്ടറോട് സ്ഥലം സന്ദര്ശിച്ച് റിപ്പോര്ട്ട് നല്കാന് നിര്ദേശിച്ചിട്ടുണ്ട്. ലൈനിന് കീഴില് നട്ടിരുന്ന വാഴകള് ലൈനിനു സമീപം വരെ വളര്ന്നിരുന്നു. മനുഷ്യ ജീവന് അപകടം ഉണ്ടാകാന് സാധ്യത ഉള്ളതിനാല് ലൈനിനു സമീപംവരെ വളര്ന്ന വാഴകള് അടിയന്തിരമായി വെട്ടിമാറ്റുകയായിരുന്നെന്നും മന്ത്രി പറഞ്ഞു.
Content Highlights: KSEB banana cutting incident; The Human Rights Commission took up the case on its own initiative
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !