കൊച്ചി: സംസ്ഥാന ചലച്ചിത്ര അവാര്ഡ് പ്രഖ്യാപനം റദ്ദാക്കണമെന്നാവശ്യപ്പെട്ടു സമര്പ്പിച്ച ഹര്ജി ഹൈക്കോടതി തള്ളി. അവാര്ഡ് നിര്ണയത്തില് ചലച്ചിത്ര അക്കാദമി ചെയര്മാന് രഞ്ജിത് ഇടപെട്ടെന്നു തെളിയിക്കുന്നതിനുള്ള വസ്തുതകള് ഹാജരാക്കാന് ഹര്ജിക്കാരനു കഴിഞ്ഞില്ലെന്നു ചൂണ്ടിക്കാട്ടിയാണ് നടപടി.
ആകാശത്തിന് താഴെ എന്ന സിനിമയുടെ സംവിധായകന് ലിജീഷ് മുല്ലേഴത്ത് ആണ് ഹര്ജിയുമായി കോടതിയെ സമീപിച്ചത്. പുരസ്കാര നിര്ണയത്തില് സ്വജനപക്ഷപാതം ഉണ്ടായി എന്നായിരുന്നു ഹര്ജിയിലെ ആക്ഷേപം.
അവാര്ഡ് ജൂറി അംഗങ്ങള് തന്നെ പുരസ്കാര നിര്ണയത്തിലെ ഇടപെടലുകള് സംബന്ധിച്ച് വെളിപ്പെടുത്തലുകള് നടത്തിയിട്ടുണ്ട്. മാത്രമല്ല, പത്തൊമ്പതാം നൂറ്റാണ്ട് സിനിമയുടെ സംവിധായകന് വിനയന് ചില തെളിവുകളും പുറത്തു വിട്ടിട്ടുണ്ട്. തന്റെ സിനിമയ്ക്ക് അവാര്ഡ് നല്കുന്നതിനെതിരെ ചലച്ചിത്ര അക്കാദമി ചെയര്മാന് രഞ്ജിത്ത് ഇടപെട്ടുവെന്നാണ് വിനയന് ആരോപിക്കുന്നത്.
സ്വജനപക്ഷപാതവും ക്രമരഹിതമായ ഇടപെടലും അവാര്ഡ് നിര്ണയത്തില് അക്കാദമി ചെയര്മാന്റെ ഭാഗത്തു നിന്നും ഉണ്ടായി. അത് നിയമവിരുദ്ധമാണ്. തെളിവുകള് പുറത്തു വന്ന സാഹചര്യത്തില് അവാര്ഡ് പ്രഖ്യാപനം റദ്ദാക്കണം എന്നും ഹര്ജിയില് ആവശ്യപ്പെട്ടിരുന്നു.
Content Highlights: No evidence of Ranjit's involvement; The petition to cancel the announcement of film awards was dismissed
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !