10 വർഷം മുമ്പെടുത്ത ആധാർ അപ്ഡേറ്റ് ചെയ്യാത്തവർ ഈ അവസരം വിനിയോഗിക്കണെന്ന് യുഐഡിഎഐ ഓർമിപ്പിക്കുന്നു.
ജൂൺ 14ന് ശേഷം ഇതിന് ഓൺലൈനിലും ഫീസ് ഈടാക്കുമെന്ന് സൂചന. പൊതുവേ, ആധാർ അപ്ഡേറ്റ് ചെയ്യുന്നതിന് 50 രൂപയാണ് ഫീസ് ഈടാക്കുന്നത്. എന്നാൽ ഓൺലൈനിലൂടെ സൗജന്യമായി വിവരങ്ങൾ അപ്ഡേറ്റ് ചെയ്യാം.
ഏറ്റവും പുതിയ വാർത്തകൾ:
യുഐഡിഎഐയുടെ ഓൺലൈൻ പോർട്ടൽ വഴി എളുപ്പത്തിൽ അപ്ഡേഷൻ വരുത്താൻ ആകും. മൈആധാർ പോർട്ടലിലൂടെയാണ് അപ്ഡേറ്റുകൾക്ക് അവസരമുള്ളത്. യുഐഡിഎഐയുടെ ഔദ്യോഗിക ട്വീറ്റ് പ്രകാരം പോർട്ടലിലൂടെ ഓൺലൈൻ സേവനങ്ങൾ സൗജന്യമായി ഉപയോഗിക്കുന്നതിനുള്ള സൗകര്യം 2023 ജൂൺ 14 വരെയാണ്. മാർച്ച് 14-ന് ആരംഭിച്ച സൗജന്യ സേവനങ്ങൾ ഇപ്പോൾ അവസാന ഘട്ടത്തിലാണ്.
10 വർഷം മുമ്പെടുത്ത ആധാർ അപ്ഡേറ്റ് ചെയ്യാത്തവർ ഈ അവസരം വിനിയോഗിക്കണെന്ന് യുഐഡിഎഐ ഓർമിപ്പിക്കുന്നു. പഴയ ആധാർ കാർഡ് ഉടമകൾക്ക്
ഐഡന്റിറ്റി പ്രൂഫും വിലാസ രേഖകളും ഓൺലൈനായി നൽകാം. ഇതിന് https://myaadhaar.uidai.gov.in എന്ന വെബ്സൈറ്റ് സന്ദർശിച്ചാൽ മതിയാകും. മാർച്ച് 15 മുതൽ തന്നെ സൗജന്യ അപ്ഡേഷന് അവസരം ഒരുക്കിയിരുന്നു.
എല്ലാവരും അപ്ഡേറ്റ് ചെയ്യണോ?
എല്ലാ ഉപയോക്താക്കളും ഓരോ 10 വർഷം കൂടുമ്പോഴും ആധാർ വിവരങ്ങൾ അപ്ഡേറ്റ് ചെയ്യേണ്ടതണെന്ന് യുഐഡിഎഐ നിർബന്ധമാക്കിയിട്ടുണ്ട്. മാത്രമല്ല, കുട്ടികളുടെ ആധാർ വിവരങ്ങൾ അപ്ഡേറ്റ് ചെയ്യുന്നതിനുള്ള മാർഗനിർദേശങ്ങളും കേന്ദ്രം പുറത്തിറക്കിയിട്ടുണ്ട്. കുട്ടിക്ക് 15 വയസ്സ് തികയുമ്പോൾ ഉപയോക്താക്കൾ എല്ലാ ബയോമെട്രിക് വിവരങ്ങളും നൽകേണ്ടതുണ്ട്.
ആധാർ കാർഡ് അപ്ഡേറ്റ് ചെയ്യുമ്പോൾ രേഖകൾ കൃത്യമാണെന്ന് ഉറപ്പാക്കണം. ഇതിന് ആവശ്യമായ രേഖകൾ ഓൺലൈനായി സമർപ്പിക്കാം. ബയോമെട്രിക് വിശദാംശങ്ങൾ അപ്ഡേറ്റ് ചെയ്യുന്നതിന് അക്ഷയ കേന്ദ്രങ്ങൾ സന്ദർശിക്കണം.
ഓൺലൈനായി എങ്ങനെ അപ്ഡേറ്റ് ചെയ്യും?
- ഇതിനായി ആധാർ നമ്പർ ഉപയോഗിച്ച് myaadhaar.uidai.gov.in എന്ന വെബ്സൈറ്റ് ലോഗിൻ ചെയ്യുക.
- ഇതിനുശേഷം, സ്ക്രീനിൽ നൽകിയിരിക്കുന്ന 'പ്രൊസീഡ് ടു അപ്ഡേറ്റ് അഡ്രസ് ' എന്ന ഓപ്ഷനിൽ ക്ലിക്കുചെയ്യുക.
- രജിസ്റ്റർ ചെയ്ത മൊബൈൽ നമ്പറിലേക്ക് ഒരു ഒടിപി ലഭിക്കും
- വിശദാംശങ്ങൾ നൽകിയ ശേഷം, ' അപ്ഡേറ്റ് ഡോക്യുമെൻറ്' എന്നതിൽ ക്ലിക്ക് ചെയ്യുക.
- പരിശോധിച്ച ശേഷം ഡോക്യുമെൻറ് വിശദാംശങ്ങൾ ശരിയാണെങ്കിൽ അടുത്ത ലിങ്കിൽ ക്ലിക്ക് ചെയ്യുക.
- അപ്ഡേഷൻ പൂർത്തിയായ ശേഷം 14 അക്ക യുആർഎൻ നമ്പർ ലഭിക്കും.
- ഈ നമ്പർ ഉപയോഗിച്ച് അപ്ഡേഷൻ സ്റ്റാറ്റസ് പരിശോധിക്കാം.
അപ്ലോഡ് ചെയ്യുന്നതിന് ആവശ്യമായ ഡോക്യുമെന്റുകൾ കൈവശമുണ്ടെന്ന് ഉറപ്പാക്കാം.
Content Highlights: Aadhaar card updated? Only a few days to update for free
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !