സിം​ഹ​ങ്ങ​ള്‍​ക്ക് അ​ക്ബ​ർ, സീ​ത എ​ന്ന് പേ​രി​ട്ട​ത് ശ​രി​യാ​യി​ല്ല; പേ​ര് മാ​റ്റ​ണ​മെ​ന്ന് ഹൈ​ക്കോ​ട​തി

കോ​ൽ​ക്ക​ത്ത: പ​ശ്ചി​മ ബം​ഗാ​ളി​ലെ സി​ലി​ഗു​രി സ​ഫാ​രി പാ​ർ​ക്കി​ലെ സിം​ഹ​ങ്ങ​ൾ​ക്ക് അ​ക്ബ​ർ, സീ​ത എ​ന്ന് പേ​രി​ട്ട​ത് ശ​രി​യാ​യി​ല്ലെ​ന്ന് ക​ൽ​ക്ക​ട്ട ഹൈ​ക്കോ​ട​തി. വി​വാ​ദ​ങ്ങ​ൾ ഒ​ഴി​വാ​ക്കേ​ണ്ട​താ​യി​രു​ന്നു. സിം​ഹ​ങ്ങ​ൾ​ക്ക് മ​റ്റെ​ന്തെ​ങ്കി​ലും പേ​ര് ന​ൽ​ക​ണ​മെ​ന്നും കോ​ട​തി നി​രീ​ക്ഷി​ച്ചു.

മൃ​ഗ​ങ്ങ​ൾ​ക്ക് ഇ​ങ്ങ​നെ ദൈ​വ​ങ്ങ​ളു​ടെ​യും, നോ​ബേ​ൽ സ​മ്മാ​ന ജേ​താ​ക്ക​ളു​ടെ​യും, സ്വാ​ത​ന്ത്ര്യ സ​മ​ര സേ​നാ​നി​ക​ളു​ടെ​യും പേ​ര് ഇ​ടാ​മോ എ​ന്നും ജ​സ്റ്റീ​സ് സൗ​ഗ​ത ഭ​ട്ടാ​ചാ​ര്യ ചോ​ദി​ച്ചു. വീ​ട്ടി​ലെ വ​ള​ർ​ത്തു​നാ​യ​ക്ക് ഏ​തെ​ങ്കി​ലും ദൈ​വ​ങ്ങ​ളു​ടെ പേ​ര് ഇ​ടു​മോ? സിം​ഹ​ത്തി​ന് സ്വാ​മി വി​വേ​കാ​ന​ന്ദ​ൻ എ​ന്നോ രാ​മ​കൃ​ഷ്ണ​ൻ എ​ന്നോ പേ​രി​ടു​മോ എ​ന്നും സ​ർ​ക്കാ​ർ അ​ഭി​ഭാ​ഷ​ക​നോ​ട് കോ​ട​തി ചോ​ദി​ച്ചു.

സിം​ഹ​ത്തി​ന് സീ​ത എ​ന്നു പേ​രി​ട്ട​തി​നെ​തി​രെ വി​എ​ച്ച്പി ന​ല്‍​കി​യ ഹ​ര്‍​ജി പ​രി​ഗ​ണി​ക്കു​ക​യാ​യി​രു​ന്നു കോ​ട​തി. ബം​ഗാ​ളി​ൽ അ​ല്ലാ​തെ ത​ന്നെ നി​ര​വ​ധി വി​വാ​ദ​ങ്ങ​ളു​ണ്ട്. ഇ​തി​നി​ടെ ഈ ​വി​വാ​ദം ഒ​ഴി​വാ​ക്ക​ണ​മാ​യി​രു​ന്നു​വെ​ന്നും കോ​ട​തി പ​റ​ഞ്ഞു.

ആ​ളു​ക​ള്‍ വ​ള​ര്‍​ത്തു മൃ​ഗ​ങ്ങ​ള്‍​ക്ക് ഇ​ഷ്ട​മു​ള്ള പേ​രു​ക​ളി​ടും. അ​ത​ല്ല ഇ​വി​ട​ത്തെ വി​ഷ​യം. സ​ര്‍​ക്കാ​ര്‍ മൃ​ഗ​ശാ​ല​യി​ലെ മൃ​ഗ​ങ്ങ​ളു​ടെ പേ​രാ​ണ്. എ​ല്ലാ മ​ത​ക്കാ​ര്‍​ക്കും അ​വ​രു​ടെ വി​ശ്വാ​സ​ങ്ങ​ള്‍ പി​ന്തു​ട​രാ​ന്‍ അ​വ​കാ​ശ​മു​ള്ള രാ​ജ്യ​മാ​ണി​ത്. മ​ത​വി​ശ്വാ​സ​ങ്ങ​ള്‍ വ്ര​ണ​പ്പെ​ടു​ത്തു​ന്ന​ത് ഒ​ഴി​വാ​ക്കേ​ണ്ട​താ​ണെ​ന്ന് കോ​ട​തി പ​റ​ഞ്ഞു.

സീ​ത എ​ന്ന പേ​രി​നോ​ടു മാ​ത്ര​മ​ല്ല, അ​ക്​ബ​ര്‍ എ​ന്നു പേ​രി​ട്ട​തി​നോ​ടും വി​യോ​ജി​പ്പാ​ണെ​ന്ന് കോ​ട​തി വ്യ​ക്ത​മാ​ക്കി. അ​ക്ബ​ര്‍ മി​ക​ച്ച ഒ​രു മു​ഗ​ള്‍ ഭ​ര​ണാ​ധി​കാ​രി​യാ​യി​രു​ന്നു​വെ​ന്ന് കോ​ട​തി ചൂ​ണ്ടി​ക്കാ​ട്ടി.

എ​ന്നാ​ല്‍ സിം​ഹ​ങ്ങ​ള്‍​ക്ക് ഈ ​പേ​രു​ക​ൾ ന​ൽ​കി​യ​ത് ത്രി​പു​ര​യാ​ണെ​ന്ന് ബം​ഗാ​ള്‍ കോ​ട​തി​യെ അ​റി​യി​ച്ചു. അ​വി​ടെ​നി​ന്ന് കൈ​മാ​റി​ക്കി​ട്ടി​യ സിം​ഹ​ങ്ങ​ൾക്ക് ആ ​പേ​രു ത​ന്നെ തു​ട​ര്‍​ന്നും ഉ​പ​യോ​ഗി​ക്കു​ക​യാ​യി​രു​ന്നു​വെ​ന്ന് വ്യ​ക്ത​മാ​ക്കി​യ സ​ർ​ക്കാ​ർ അ​ഭി​ഭാ​ഷ​ക​ൻ ത്രി​പു​ര മൃ​ഗ​ശാ​ല​യി​ല്‍​നി​ന്നു​ള്ള രേ​ഖ​ക​ള്‍ കോ​ട​തി​യി​ല്‍ ഹാ​ജ​രാ​ക്കി.

ത്രി​പു​ര പേ​ര് ന​ൽ​കി​യ​പ്പോ​ൾ അ​തി​ൽ മി​ണ്ടാ​ത്ത വി​എ​ച്ച്പി​യാ​ണ് ഇ​പ്പോ​ൾ ഹ​ർ​ജി​യു​മാ​യി വ​ന്നി​രി​ക്കു​ന്ന​തെ​ന്നും സ​ർ​ക്കാ​ർ കോ​ട​തി​യി​ൽ പ​റ​ഞ്ഞു. ത്രി​പു​ര​യാ​ണ് പേ​രു ന​ല്‍​കി​യ​തെ​ങ്കി​ല്‍ പ​ശ്ചി​മ ബം​ഗാ​ള്‍ സ​ര്‍​ക്കാ​രി​ന് അ​തു മാ​റ്റാ​വു​ന്ന​തേ​യു​ള്ളൂ​വെ​ന്ന് കോ​ട​തി പ​റ​ഞ്ഞു. പേ​ര് മാ​റ്റി വി​വാ​ദം ഒ​ഴി​വാ​ക്കാ​ന്‍ സ​ർ​ക്കാ​രി​നോ​ട് കോ​ട​തി നി​ർ​ദേ​ശി​ച്ചു.

അ​തേ​സ​മ​യം, വി​എ​ച്ച്പി ന​ൽ​കി​യ റി​ട്ട് ഹ​ർ​ജി അ​നു​വ​ദി​ക്കാ​നാ​കി​ല്ലെ​ന്ന് കോ​ട​തി അ​റി​യി​ച്ചു. പൊ​തു​താ​ത്പ​ര്യ ഹ​ർ​ജി​യാ​യി മാ​റ്റാ​നും പ​ത്ത് ദി​വ​സ​ത്തി​നു​ള്ളി​ൽ റെ​ഗു​ല​ർ ബെ​ഞ്ചി​ന് മു​ന്നി​ൽ സ​മ​ർ​പ്പി​ക്കാ​നും കോ​ട​തി നി​ർ​ദേ​ശി​ച്ചു.

ഫെ​ബ്രു​വ​രി 16നാ​ണ് കോ​ൽ​ക്ക​ത്ത ഹൈ​ക്കോ​ട​തി​യു​ടെ ജ​ൽ​പൈ​ഗു​രി ബെ​ഞ്ചി​ന് മു​ന്നി​ൽ വി​എ​ച്ച്പി ഹ​ർ​ജി ന​ല്കി​യ​ത്. അ​ക്ബ​ർ സിം​ഹ​ത്തെ സീ​ത സിം​ഹ​ത്തോ​ടൊ​പ്പം പാ​ർ​പ്പി​ക്ക​രു​തെ​ന്നാ​യി​രു​ന്നു ഹ​ർ​ജി.

ഫെ​ബ്രു​വ​രി 13ന് ​ത്രി​പു​ര​യി​ലെ സെ​പാ​ഹി​ജാ​ല സു​വോ​ള​ജി​ക്ക​ൽ പാ​ർ​ക്കി​ൽ നി​ന്നാ​ണ് ര​ണ്ട് സിം​ഹ​ങ്ങ​ളെ​യും കൊ​ണ്ടു​വ​ന്ന​ത്. സീ​ത​യ്ക്ക് അ​ഞ്ച​ര വ​യ​സ്സും അ​ക്ബ​റി​ന് ഏ​ഴ് വ​യ​സും എ​ട്ടു മാ​സ​വു​മാ​ണ് പ്രാ​യം.

Content Summary: It is not right to name the lions Akbar and Sita; The High Court said that the name should be changed

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: