മലപ്പുറം: പാണ്ടിക്കാട് പൊലീസ് സ്റ്റേഷനില് കസ്റ്റഡിയിലുണ്ടായിരുന്നയാള് തളര്ന്നുവീണു മരിച്ചു. പന്തല്ലൂര് കടമ്പോട് സ്വദേശി മൊയ്തീന്കുട്ടി ആലുങ്ങല് ആണ് മരിച്ചത്. 36 വയസായിരുന്നു. പൊലീസ് മര്ദനത്തെ തുടര്ന്നാണ് യുവാവ് മരിച്ചതെന്നാണ് ബന്ധുക്കളുടെ ആരോപണം.
ഇന്നലെ പാണ്ടിക്കാട് പൊലീസ് മൊയ്തീന് കുട്ടിയെ ചോദ്യം ചെയ്യാനായി വിളിച്ചിരുന്നു. പൂരത്തിനിടെ ഉണ്ടായ അടിപിടിയെ കുറിച്ച് അന്വേഷിക്കാനാണ് മൊയ്തീന് കുട്ടിയെ സ്റ്റേഷനിലേക്ക് വിളിപ്പിച്ചത്. കസ്റ്റഡിയിലിരിക്കെ കുഴഞ്ഞ് വീണ മൊയ്തീന്കുട്ടിയെ പെരിന്തല്മണ്ണയിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ഇന്ന് പുലര്ച്ചെയാണ് മരിച്ചത്.
മൊയ്തീന് കുട്ടി സ്റ്റേഷനില് എത്തിയതിന് പിന്നാലെ കുഴഞ്ഞുവീഴുകയായിരുന്നെന്നാണ് പൊലീസ് പറയുന്നത്. സ്റ്റേഷനല് വച്ച് മര്ദിച്ചിട്ടില്ലെന്നും കുഴഞ്ഞുവീണ മൊയ്തീന്കുട്ടിയെ ഉടന് തന്നെ ആശുപത്രിയിലെത്തിച്ചതായും പൊലീസ് പറയുന്നു.
Content Summary: Pandikkad detained youth collapses and dies; Relatives say that the police beat them
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !