കണ്ണൂരിൽ ഇന്ത്യൻ ചരിത്ര കോൺഗ്രസിൽ പങ്കെടുക്കാനെത്തിയ ഗവർണർ ആരിഫ് മുഹമ്മദ് ഖാനെതിരെ നടന്ന പ്രതിഷേധം സർക്കാർ സ്പോൺസേർഡ് എന്ന് ബിജെപി ജനറൽ സെക്രട്ടറി എം ടി രമേശ്. ചരിത്ര കോൺഗ്രസിലെ പ്രതിനിധികളാണ് ഗവർണർക്കെതിരെ പ്രതിഷേധിച്ചത്. ഗവർണർക്ക് സുരക്ഷ ഒരുക്കുന്നതിൽ സർക്കാരിന് വീഴ്ച സംഭവിച്ചതായും ഗുരുതര വീഴ്ചയാണ് നടന്നതെന്നും എം ടി രമേശ് പറഞ്ഞു.
തങ്ങളുടെ പകപോക്കലിന് സിപിഎം ഗവർണറെ കരുവാക്കുകയാണ്. ഉത്തരവാദിത്വപ്പെട്ട ജനപ്രതിനിധികൾ വരെ പ്രതിഷേധത്തിന്റെ ഭാഗമായി. കുറ്റക്കാർക്കെതിരെ കർശന നടപടിയെടുക്കണമെന്നും മുഖ്യമന്ത്രി പ്രതികരിക്കണമെന്നും എം ടി രമേശ് പറഞ്ഞു. പൗരത്വ നിയമഭേദഗതിയെ അനുകൂലിച്ച് നിരന്തരം പരാമർശം നടത്തിയതോടെയാണ് ഗവർണർക്കെതിരെ പ്രതിനിധികളും വിദ്യാർഥികളും പ്രതിഷേധിച്ചത്. സംവാദങ്ങളാകാമെന്ന ഗവർണറുടെ പരാമർശത്തോട് ഇപ്പോ തന്നെ സംവാദം നടത്താമെന്നായിരുന്നു പ്രതിഷേധക്കാർ മറുപടി നൽകിയത്. പ്രതിഷേധം കൊണ്ട് തന്നെ നിശബ്ദനാക്കാൻ കഴിയില്ലെന്നായിരുന്നു ഗവർണറുടെ പ്രതികരണം.
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !