ന്യൂഡെല്ഹി: എയര് ഇന്ത്യയുടെ 100 ശതമാനം ഓഹരികളും വില്ക്കാനുള്ള കേന്ദ്ര സര്ക്കാരിന്റെ തീരുമാനത്തിനെതിരെ ബിജെപി എംപി സുബ്രഹ്മണ്യന് സ്വാമി കോടതിയിലേക്ക്. കേന്ദ്രത്തിന്റെ തീരുമാനം രാജ്യവിരുദ്ധമാണെന്ന് പ്രതികരിച്ച അദ്ദേഹം താന് ഇതിനെതിരെ കോടതിയെ സമീപിക്കാന് നിര്ബന്ധിതമാകുകയാണെന്നും അറിയിച്ചു. ട്വിറ്ററിലൂടെയാണ് അദ്ദേഹത്തിന്റെ പ്രതികരണം.
എയര് ഇന്ത്യ നഷ്ടത്തില് നിന്ന് കരകയറുന്നതിന്റെ ലക്ഷണങ്ങള് കാണിക്കുന്ന സമയത്ത് എന്തിനാണ് വില്ക്കുന്നതെന്ന് അദ്ദേഹം മോദിയെ ടാഗ് ചെയ്ത് ചോദിക്കുന്നു. ഏപ്രില്-ഡിസംബര് കാലത്ത് എയര് ഇന്ത്യ ലാഭത്തിലാണെന്ന് സൂചിപ്പിക്കുന്ന റിപ്പോര്ട്ടും അദ്ദേഹം ട്വീറ്റ് ചെയ്തിട്ടുണ്ട്. അതിനിടെ സര്ക്കാരിന് പണമില്ലാത്തതിനാല് ആസ്തികളെല്ലാം വിറ്റഴിക്കുകയാണെന്ന് കോണ്ഗ്രസും കുറ്റപ്പെടുത്തി. സര്ക്കാരിന്റെ കൈയില് കാശില്ല. വളര്ച്ചാ നിരക്ക് അഞ്ച് ശതമാനത്തില് താഴെയാണ്. അതിനാണ് ഇതൊക്കെ ചെയ്യുന്നത്. എല്ലാ വിലപിടിപ്പുള്ള ആസ്തികളും സര്ക്കാര് വില്ക്കുകയാണെന്നും കോണ്ഗ്രസ് നേതാവ് കപില് സിബല് കുറ്റപ്പെടുത്തി.
Air India disinvestment process restarts today https://t.co/72eklh9C3g: THIS DEAL IS WHOLLY ANTI NATIONAL and IWILL FORCED TO GO TO COURT. WE CANNOT SELL OUR FAMILY SILVER— Subramanian Swamy (@Swamy39) January 27, 2020
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !