കാസര്കോട്: മംഗളൂരുവില് നടന്ന പൗരത്വ നിയമ ഭേദഗതിക്കെതിരെയുള്ള സമരത്തില് 1800 മലയാളികള്ക്ക് കര്ണാടക പൊലീസിന്റെ നോട്ടീസ്. ഡിസംബര് 19ന് നടന്ന പ്രക്ഷോഭവുമായി ബന്ധപ്പെട്ടാണ് ഇത്രയും പേര്ക്ക് ഉദ്യോഗസ്ഥര്ക്ക് മുന്നില് ഹാജരാകാന് നോട്ടീസ് നല്കിയത്. പ്രക്ഷോഭം നടന്ന ദിവസത്തെ മൊബൈല് ഫോണ് ലൊക്കേഷന് പരിശോധിച്ചാണ് ഇത്രയും പേര്ക്ക് നോട്ടീസ് നല്കിയത്.
നിരപരാധികളായ ആളുകള്ക്കാണ് നോട്ടീസ് അയച്ചിരിക്കുന്നതെന്നും മംഗളൂരുവില് നടന്ന സംഭവങ്ങള്ക്ക് പിന്നില് മലയാളികളാണെന്ന് വരുത്തിതീര്ക്കുകയാണെന്നും ജില്ലാ പഞ്ചായത്ത് അംഗം അലി ഹര്ഷാദ് വോര്കാടി പറഞ്ഞു. മംഗളൂരു സിറ്റി ക്രൈം റെക്കോര്ഡ് ബ്യൂറോ അസി. കമ്മീഷണറുടെ പേരിലാണ് നോട്ടീസ് വന്നിരിക്കുന്നത്. ഹാജരായില്ലെങ്കില് മറ്റ് നിയമനടപടികള് നേരിടേണ്ടി വരുമെന്നും നോട്ടീസില് പറയുന്നു.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !