ബെയ്ജിങ്: ഭീതിയൊഴിയാതെ കൊറോണ വൈറസ് ബാധ. മരണം 2000 കടന്നു. 75,121 പേര്ക്ക് കൊറോണ വൈറസ് സ്ഥിരീകരിച്ചു. കൊറോണ വൈറസിന്റെ പ്രഭവകേന്ദ്രമായ ഹ്യൂബെ പ്രവിശ്യയില് ഇന്നലെ മാത്രം മരിച്ചത് 132 പേരാണ്. ഇവിടെ 1693 പേര്ക്ക് പുതുതായി രോഗം സ്ഥിരീകരിക്കുകയും ചെയ്തു.
ചൈനയില് മാത്രം കൊറോണ വൈറസ് ബാധിച്ച് മരിച്ചവരുടെ എണ്ണം 1,800 ആയി. യോക്കോഹോമയില് തടഞ്ഞുവെച്ചിരിക്കുന്ന ഡയമണ്ട് പ്രിന്സസ് ക്രൂയിസ് കപ്പലില് നിന്ന് യാത്രക്കാരെ വിട്ടയക്കുമെന്ന് ജപ്പാനിലെ അധികൃതര് അറിയിച്ചു. കപ്പലില് കൊറോണ വൈറസ് ബാധിച്ചവരുടെ എണ്ണം ഇന്നലെ 88 പേര്ക്ക് കൂടി രോഗം സ്ഥിരീകരിച്ചതായി ജപ്പാന് ആരോഗ്യ മന്ത്രാലയം അറിയിച്ചു. ഇതോടെ കപ്പലിലെ രോഗബാധിതരുടെ എണ്ണം 542 ആയി ഉയര്ന്നു.
അതേസമയം, വുഹാനില് കുടുങ്ങിക്കിടക്കുന്ന കൂടുതല് ഇന്ത്യക്കാരെ തിരികെയെത്തിക്കാന് ഇന്ത്യന് എയര്ഫോഴ്സ് വിമാനം വുഹാനിലേക്ക് പോകും. സി 17 മിലിറ്ററി എയര്ക്രാഫ്റ്റ് ഫെബ്രുവരി 20 നായിരിക്കും വുഹാനിലെത്തുക. ഇതിനുമുമ്പ്, രണ്ട് എയര് ഇന്ത് വിമാനങ്ങളിലായി 645 ഇന്ത്യക്കാരെ തിരികെ രാജ്യത്തെത്തിച്ചിരുന്നു. ചൈനയിലേക്ക് മരുന്നും മെഡിക്കല് ഉപകരണങ്ങളും ഇതേ വിമാനത്തില് കയറ്റി അയക്കും.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !