കാസര്കോട്: കേരളത്തെ കൊറോണ മുക്തമെന്ന് പ്രഖ്യാപിക്കാന് ഇനിയും 28 ദിവസത്തെ നിരീക്ഷണകാലം പൂര്ത്തിയാകണമെന്ന് ആരോചഗ്യമന്ത്രി കെകെ ശൈലജ. സംസ്ഥാനത്ത് രോഗം ഫലപ്രദമായി നിയന്ത്രിക്കാനായെന്നും ആരോഗ്യമന്ത്രി അറിയിച്ചു. കാസര്കോട് റവന്യൂമന്ത്രിയുടെ നേതൃത്വത്തില് യോഗം ചേര്ന്ന് സ്ഥിതി വിലയിരുത്തി.
ആദ്യ കൊറോണ കേസ് സ്ഥിരീകരിച്ച് 10 ദിവസത്തിനുളളില് തന്നെ രോഗം നിയന്ത്രിക്കാനായത് വലിയ നേട്ടമായാണ് ആരോഗ്യവകുപ്പിന്റെ വിലയിരുത്തല്. കോറോണ ബാധിതരായ മൂന്ന് പേരെയും ആദ്യഘട്ടത്തില് തന്നെ ഐസൊലേഷന് വാര്ഡില് എത്തിക്കാനായതാണ് രോഗം പടരാതിരിക്കാന് സഹായകരമായി.
രോഗബാധിതരുടെ സ്ഥിതി മെച്ചപ്പെട്ടു വരികയാണ്. എന്നാല് ജാഗ്രത കുറച്ചുദിവസത്തേക്ക് കൂടി തുടരേണ്ടതുണ്ട്. കാസര്കോട് മന്ത്രി ഇ ചന്ദ്രശേഖരന്റെ നേതൃത്വത്തില് യോഗം ചേര്ന്ന് പ്രതിരോധ പ്രവര്ത്തനങ്ങള് തുടരാന് തീരുമാനിച്ചു. നിലവില് 3144 പേരാണ് നിരീക്ഷണത്തിലുളളത്. ഇതില് 45 പേരാണ് ആശുപത്രികളിലുളളത്. വുഹാനില് നിന്ന് കേരളത്തിലെത്തിയ 70 വിദ്യാര്ത്ഥികളില് 66 പേരുടേയും ഫലം നെഗറ്റീവാണ്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !