ന്യൂഡല്ഹി: വിദ്വേഷ പ്രസംഗങ്ങള് നടത്തിയ ബിജെപി പ്രവര്ത്തകര്ക്കെതിരെ കേസെടുക്കാന് മടി കാണിച്ച പോലീസിനെ കടുത്ത ഭാഷയില് വിമര്ശിച്ച ഡല്ഹി ഹൈക്കോടതി ജഡ്ജിയെ സ്ഥലം മാറ്റി. ജസ്റ്റിസ് എസ് മുരളീധറിനെ സ്ഥലം മാറ്റിയുള്ള ഉത്തരവ് ബുധനാഴ്ച അര്ദ്ധ രാത്രിയോടെയാണ് സര്ക്കാര് പുറത്തിറക്കിയത്. നേരത്തേയുള്ള കൊളീജിയം ശുപാര്ശ പ്രകാരം പഞ്ചാബ്- ഹരിയാണ ഹൈക്കോടതിയിലേക്കാണ് സ്ഥലംമാറ്റം.
അതേസമയം കലാപവുമായി ബന്ധപ്പെട്ട വിദ്വേഷ പ്രസംഗം നടത്തിയെന്ന കേ്സ് പരിഗണിക്കുന്നത് ഹൈക്കോടതി ചീഫ് ജസ്റ്റിസായ ഡി എന് പട്ടേല് അധ്യക്ഷനായ ബഞ്ചായിരിക്കും. അദ്ദേഹം അവധിയില് ആയിരുന്നതിനാല് ബുധനാഴ്ച കേസ് പരിഗണിച്ചത് മുരളീധര് അധ്യക്ഷനായ ബെഞ്ചായിരുന്നു. ബിജെപി നേതാക്കളായ കപില് മിശ്ര, അനുരാഗ് ഠാക്കൂര്, അഭയ് വര്മ, പര്വേശ് വര്മ എന്നിവര് നടത്തിയ വിദ്വേഷ പ്രസംഗങ്ങളുമായി ബന്ധപ്പെട്ട ഹര്ജിയാണ് കോടതിയുടെ പരിഗണനയിലുള്ളത്.
ചീഫ് ജസ്റ്റിസ് എസ്.എ.ബോബ്ഡെയുടെ നേതൃത്വത്തിലുള്ള സുപ്രീംകോടതി കൊളീയം ഫെബ്രുവരി 12-നാണ് മുരളീധറിനെ പഞ്ചാബ്-ഹരിയാണ ഹൈക്കോടതിയിലേക്ക് മാറ്റാന് ശുപാര്ശ ചെയ്തിരുന്നത്. കേന്ദ്ര നിയമ മന്ത്രാലയം ബുധനാഴ്ച രാത്രി ശുപാര്ശ അംഗീകരിച്ച് സ്ഥലംമാറ്റത്തിന് ഉത്തരവിടുകയായിരുന്നു. രാഷ്ട്രപതി രാംനാഥ് കോവിന്ദ് സുപ്രീംകോടതി ചീഫ് ജസ്റ്റിസുമായി ആശയ വിനിമയം നടത്തിയ ശേഷമാണ് ഉത്തരവെന്നാണ് നിയമമന്ത്രാലയം പറയുന്നത്.
അതേസമയം മുരളീധറിനെ സ്ഥലംമാറ്റാനുള്ള ശുപാര്ശ പിന്വലിക്കണമെന്നാവശ്യപ്പെട്ട് നേരത്തെ ഡല്ഹി ബാര് അസോസിയേഷന് സുപ്രീംകോടതി കൊളീജിയത്തെ സമീപിച്ചിരുന്നു. രാജ്യത്ത് മറ്റൊരു 1984 ആവര്ത്തിക്കാന് തങ്ങള് അനുവദിക്കില്ലെന്ന് ബുധനാഴ്ച വാദം കേള്ക്കുന്നതിനിടെ ജസ്റ്റിസ് മുരളീധര് പറയുകയുണ്ടായി. അക്രമം ചെറുക്കാന് കേന്ദ്ര-സംസ്ഥാന സര്ക്കാരുകള് ഒരുമിച്ച് പോരാടണമെന്നും അദ്ദേഹം ആവശ്യപ്പെട്ടിരുന്നു.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !