എടക്കര: മലപ്പുറം ജില്ലയിലെ എടക്കരയില് വീട്ടുജോലിക്കാരിയായ യുവതിയെ ലൈംഗീകമായി പീഡിപ്പിച്ച കേസില് വീട്ടുടമയായ യുവതി ഉള്പ്പെടെ മൂന്ന് പേര് അറസ്റ്റില്. എടക്കര തമ്ബുരാന്കുന്ന് സരോവരം വീട്ടില് ബിന്സ (31), എടക്കര കാക്കപ്പരത എരഞ്ഞിക്കല് ശമീര് (21), ചുള്ളിയോട് പറമ്ബില് മുഹമ്മദ് ഷാന് (24)
എന്നിവരാണ് അറസ്റ്റിലായത്. എടക്കര പൊലീസ് ഇന്സ്പെക്ടര് മനോജ് പറയറ്റയും സംഘവുമാണ് പ്രതികളെ അറസ്റ്റ് ചെയ്തത്.
പ്രതിമാസം 8000 രൂപ ശമ്ബളം നല്കാമെന്ന വ്യവസ്ഥയില് മൂന്നുവയസ്സുള്ള കുട്ടിയെ പരിചരിക്കാന് കഴിഞ്ഞ ജനുവരി 20നാണ് യുവതി എടക്കരയില് എത്തിയത്. എന്നാല്, ബിന്സ വീട്ടില് നിന്നും പുറത്തുപോകുമ്ബോള് വാതില് പുറമെ നിന്ന് പൂട്ടുകയായിരുന്നു പതിവ്. ഇതിനകം തന്നെ വീട്ടിലെത്തുന്ന പലര്ക്കും ബിന്സ യുവതിയെ കാഴ്ചവച്ചതായാണ് റിപ്പോര്ട്ട്.
എറണാകുളത്തെ ലോഡ്ജ് മുറിയില് കൊണ്ടുപോയും പലര്ക്കും യുവതിയെ കാഴ്ചവെച്ചു. സഹോദരന്റെ കുട്ടിയുടെ ജന്മദിനം പ്രമാണിച്ച് വീട്ടിലെത്തിയപ്പോഴാണ് യുവതി പീഡനത്തിനിരയായ വിവരം ബന്ധുക്കളെ അറിയിച്ചത്. തുടര്ന്ന് ബന്ധുക്കള്ക്കൊപ്പം എത്തി പൊലീസില് പരാതി നല്കുകയായിരുന്നു. അറസ്റ്റിലായ പ്രതികളെ കോടതിയില് ഹാജരാക്കി.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !