ചെന്നൈ: വിവാഹ വാര്ഷികത്തിന് കടലിലിറങ്ങി മോതിരം മാറുന്നതിനിടെ തിരയില്പ്പെട്ട് യുവതിക്ക് ദാരുണാന്ത്യം. വെല്ലൂര് സ്വദേശി വിഗ്നേഷിന്റെ ഭാര്യ വേണി ഷൈല(27)യാണ് മരിച്ചത്. കരയിലേക്ക് ഓടിക്കയറിയതിനാല് വിഗ്നേഷ് രക്ഷപ്പെട്ടു. വെല്ലൂര് സി.എം.സി. ആശുപത്രിയില് നഴ്സായിരുന്നു വേണി. ഇവര്ക്ക് ഒരുവയസ്സുള്ള ആണ്കുട്ടിയുണ്ട്.
ചെന്നൈ പാലവാക്കം ബീച്ചില് കഴിഞ്ഞദിവസം അര്ധരാത്രിയായിരുന്നു സംഭവം. രണ്ടാം വിവാഹവാര്ഷികം ആഘോഷത്തിനായാണ് വെല്ലൂരില്നിന്ന് ഇവര് ചെന്നൈയിലെത്തിയത്. നീലാങ്കരയിലെ സുഹൃത്തിന്റെ വീട്ടില് താമസിച്ച ദമ്ബതിമാര് സുഹൃത്തുക്കള്ക്ക് രാത്രിയില് അത്താഴവിരുന്ന് നല്കി. ഇതിനുശേഷം അഞ്ചുകാറുകളിലായാണ് സംഘം പാലവാക്കം ബീച്ചിലെത്തിയത്.
ശക്തമായ തിരയുള്ളതിനാല് കടലില് ഇറങ്ങരുതെന്ന് സംഘത്തിന് പോലീസ് നിര്ദേശം നല്കിയിരുന്നു. എന്നാല്, വിവാഹവാര്ഷികമാണെന്നും ആഴത്തിലേക്ക് പോവാതെ ഫോട്ടോയെടുത്തശേഷം തിരികെ കയറുമെന്നും ഇവര് അറിയിച്ചു. അര്ധരാത്രിയില് കേക്ക് മുറിച്ചശേഷം ഫോട്ടോയെടുക്കുന്നതിനായി വിഗ്നേഷും വേണിയും കടലിലിറങ്ങി. വെള്ളത്തില്നിന്ന് മോതിരം മാറുന്നതിന്റെ ദൃശ്യങ്ങള് പകര്ത്താനായി ബന്ധുക്കളും സുഹൃത്തുക്കളും ക്യാമറയുമായി തീരത്ത് നിന്നു. ഇതിനിടയിലാണ് അപ്രതീക്ഷിതമായി വന്ന വലിയ തിരയില്പ്പെട്ട് വേണി വെള്ളത്തിലേക്ക് വീണത്. വിഗ്നേഷ് കരയിലേക്ക് ഓടിക്കയറിയെങ്കിലും വേണിയെ കാണാതാവുകയായിരുന്നു.
തുടര്ന്ന് പോലീസെത്തി മത്സ്യത്തൊഴിലാളികളുടെ സഹായത്തോടെ കടലില് തിരച്ചില് നടത്തിയെങ്കിലും വേണിയെ കണ്ടെത്താനായില്ല. പുലര്ച്ചയോടെ യുവതിയുടെ മൃതദേഹം സമീപത്തെ കൊട്ടിവാക്കം ബീച്ചില് തീരത്തടിഞ്ഞു. പോസ്റ്റ്മോര്ട്ടത്തിനുശേഷം മൃതദേഹം വെല്ലൂരിലേക്ക് കൊണ്ടുപോയി. സംഭവത്തില് നീലാങ്കര പോലീസ് കേസ് രജിസ്റ്റര്ചെയ്തു.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !