കുവൈത്ത് : അമിത വിമാനായാത്രാ നിരക്ക് മൂലം ബുദ്ധിമുട്ടനുഭവിക്കുന്ന പ്രവാസി മലയാളികള്ക്ക് ആശ്വാസമായി കുവൈത്ത് എയര്വേയ്സില് നോര്ക്ക ഫെയര് നിലവില് വന്നു. നോര്ക്ക റൂട്ട്സും കുവൈത്ത് എയര്വേയ്സുമായി ഇതു സംബന്ധിച്ച് ധാരണയായി.
മുഖ്യമന്ത്രി പിണറായി വിജയന്റെ സാന്നിധ്യത്തില് ചീഫ് എക്സിക്യൂട്ടീവ് ഓഫിസര് കെ. ഹരികൃഷ്ണന് നമ്ബൂതിരിയും കുവൈറ്റ് എയര്വേയ്സ് സെയില്സ് മാനേജര് സുധീര് മേത്തയും തമ്മില് ധാരണാപത്രം ഒപ്പു വച്ചു.
ഇക്കോണമി, ബിസിനസ് ക്ലാസ് യാത്രക്കാര്ക്ക് ബേസിക് ഫെയറിെന്റ ഏഴു ശതമാനം ഇളവുണ്ടാകും. ഫെബ്രുവരി 20നും ജൂലൈ 31നും ഇടയിലുള്ള യാത്രകള്ക്ക് മാത്രമാണ് ആനുകൂല്യം ലഭിക്കുക. നോര്ക്ക ഫെയര് എന്ന പേരിലാണ് കാര്ഡുടമകള്ക്ക് നിരക്കിളവ് ലഭ്യമാക്കുന്ന പദ്ധതിക്ക് നോര്ക്ക റൂട്സ് തുടക്കമിട്ടത്.
രത്തേ നോര്ക്ക റൂട്ട്സും ഒമാന് എയര്വേയ്സുമായി ഉണ്ടായിരുന്ന ധാരണയുടെ അടിസ്ഥാനത്തില് നോര്ക്ക ഫെയര് ഒമാന് എയര്വേയ്സില് നിലവില് ഉണ്ടായിരുന്നു. ധാരണാപത്രം പുതുക്കുന്നതിനുള്ള നടപടി അന്തിമഘട്ടത്തിലാണ്.
മുഖ്യമന്ത്രിയുടെ ഓഫിസില് നടന്ന ചടങ്ങില് നോര്ക്ക വകുപ്പ് പ്രിന്സിപ്പല് സെക്രട്ടറി കെ.ഇളങ്കോവന്, ജോയിന്റ് സെക്രട്ടറി കെ.ജനാര്ദ്ദനന്,നോര്ക്ക റൂട്സ് ജനറല് മാനേജര് ഡി. ജഗദീശ് തുടങ്ങിയവര് പങ്കെടുത്തു.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !