തിരുവനന്തപുരം: വ്യാജ ഫോണ് കോളുകള് ഉപയോഗിച്ച് ഓണ്ലൈന് തട്ടിപ്പ് നടത്തുന്നതു തടയാന് കേരള പോലീസിന്റെ കീഴിലുള്ള സൈബര് ഡോമിന്റെ നേതൃത്വത്തില് ബി സേഫ് (BSAFE) എന്ന പ്ലാറ്റ് ഫോം പുറത്തിറക്കി. ഇന്റര്നെറ്റ് വഴിയും ഫോണ് വഴിയുമുളള വ്യാജ കോളുകള് ഉപയോഗിച്ച് അക്കൗണ്ടുകളില് നിന്ന് പണം തട്ടുന്ന 100 ഓളം കേസുകളാണ് ദിവസവും കേരള പൊലീസിന് മുന്നിലെത്തുന്നത്. ഇത്തരം കേസുകള് ഇല്ലാതാക്കാനാണ് ബിസെയ്ഫ് അപ്പ് പുറത്തിറക്കിയത്.
പോലീസ് ആസ്ഥാനത്തു നടന്ന ചടങ്ങില് സംസ്ഥാന പോലീസ് ചീഫ് ലോക്നാഥ് ബഹ്റ ആണ് ബി സേഫ് പ്ലാറ്റ്ഫോമുകളായ വെബ് വേര്ഷനും മൊബൈല് ആപ്ലിക്കേഷനും പുറത്തിറക്കിയത്. സൈബര് ഡോം നോഡല് ഓഫീസറും എഡിജിപിയുമായ മനോജ് ഏബ്രഹാം, ഡിഐജി പി. പ്രകാശ് എന്നിവര് പങ്കെടുത്ത ചടങ്ങിലാണു സംസ്ഥാനത്തെ ബാങ്കിംഗ് തട്ടിപ്പുകളെ ലക്ഷ്യമിട്ടുള്ള വലിയ പദ്ധതി ആവിഷ്കരിച്ചത്.
സ്പാം ഫോണ് കോളുകള് ഓട്ടോമാറ്റിക്കായി ബ്ലോക്ക് ചെയ്യാനുള്ള സംവിധാനം ഈ മൊബൈല് ആപ്ലിക്കേഷനില് ഉള്പ്പെടുത്തിയിട്ടുണ്ട്. ആപ് വേര്ഷന്റെ സഹായത്തോടെ ഉപഭോക്താവിന് ഓട്ടോമാറ്റിക് ആയി ഇത്തരത്തിലുള്ള കോളുകള് അറ്റന്ഡ് ചെയ്യാതെ തന്നെ ഒഴിവാക്കാനുള്ള സംവിധാനവും ലഭ്യമാക്കിയിട്ടുണ്ട്. ഇതിലൂടെ തട്ടിപ്പിനിടയാക്കുന്ന ഫോണ്കോളുകള്ക്കായി അനാവശ്യമായി സമയം നഷ്ടമാകുന്നതും ഒഴിവാക്കാം.
ആര്ബിഐ യില് നിന്നും മറ്റ് സര്ക്കാര് ഏജന്സികളില് നിന്നും ബാങ്ക് തട്ടിപ്പ് നടത്തുന്ന നമ്ബറുകള് ശേഖരിച്ചാണ് ആപ്പ് നിര്മ്മിച്ചത്. ഈ ആപ്പ് ഡൗണ്ലോഡ് ചെയ്യുന്നതോടെ ഇത്തരം നമ്ബറുകളില് നിന്നുളള ഫോണ് വരില്ലെന്ന് കേരള പൊലീസ് വ്യക്തമാക്കുന്നു. പ്ലേസ്റ്റോറില് നിന്ന് സൗജന്യമായി ആര്ക്കും ഡൗണ്ലോഡ് ചെയ്യാന് കഴിയും. കൂടാതെ ഫോണ് നമ്ബറുകള് ബാങ്ക് തട്ടിപ്പുകള്ക്ക് ഉപയോഗിക്കുന്നതാണോയെന്ന് ഉപഭോക്താവിന് ആപ്പില് സെര്ച്ച് ചെയ്യാനും പറ്റുമെന്ന് അധികൃതര് വ്യക്തമാക്കി.
ഓരോ ദിവസവും പുതിയ നമ്ബറുകളില്നിന്നു സ്പാം കോളുകള് വരാനുള്ള സാധ്യതയുള്ളതുകൊണ്ടുതന്നെ ആപ് സെര്വറിനു പുറമെ ഉപഭോക്താവിന് അനാവശ്യ നമ്ബറുകള് സ്വയം ബ്ലോക്ക് ചെയ്യാന് സൗകര്യമുണ്ട്. ഇതിനു പുറമേ സ്പാം ആയി തോന്നുന്ന ഒരു നമ്ബര്, ഇന്സ്റ്റന്റ് മെസഞ്ചര്, സോഷ്യല് മീഡിയ പോസ്റ്റ് എന്നിവയിലൂടെ ലഭിക്കുന്നവയായാലും സെര്ച്ച് ചെയ്യുന്നതിനു സെര്ച്ച് ഓണ് കോപ്പി ഓപ്ഷന് ലഭ്യമാക്കിയിട്ടുണ്ട്. ആപ് വേര്ഷനു പുറമെ സെര്ച്ച് ചെയ്യാനുള്ള ഓപ്ഷന് bsafe.kerala.gov.in എന്ന വെബ്സൈറ്റ് വഴിയും ലഭ്യമാണ്.
കേരള പോലീസ് സൈബര് ഡോമിന്റെയും റിസര്വ് ബാങ്കിന്റെയും സംയുക്ത മേല്നോട്ടത്തിലാണ് ഈ സംവിധാനം പ്രവര്ത്തിക്കുന്നത്. ബാങ്കുകള്, മൊബൈല് വാലറ്റുകള്, ഇകൊമേഴ്സ് സൈറ്റുകള്, ജില്ലാ സൈബര് സെല്ലുകള്, ഹൈടെക് സെല്, സൈബര് പിഎസ് എന്നിവ പ്രധാന പങ്കാളികളാണ്. സൈബര് മേഖലയില് കൂടുതല് സുരക്ഷ എന്ന ലക്ഷ്യത്തോടെ ബി സേഫ് കൂടുതല് ഫീച്ചറുകള് ഉള്പ്പെടുത്തും.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !