ജിദ്ദ : സൗദിയിൽ മാസ്ക്ക് ധരിക്കാതെ പുറത്തിറങ്ങിയാൽ 1000 റിയാൽ പിഴ ചുമത്തും. രണ്ടാം തവണയും മാസ്കില്ലാതെ പിടികൂടിയാല് പിഴ ഇരട്ടിയാകം. രോഗ പ്രതിരോധ നടപടികളുടെ ഭാഗമായാണ് പുതിയ നിര്ദ്ദേശങ്ങള് പുറപ്പെടുവിച്ചത്. ഇത് പ്രകാരം പുറത്തിറങ്ങുന്നവ്യക്തികള് മുഖവും വായും മൂടുന്ന രീതിയില് മാസ്ക് ധരിക്കണം.
ഷോപ്പിംഗ് സെന്ററുകള് മാളുകള് എന്നിവിടങ്ങളില് പ്രവേശിക്കുമ്പോള് ശരീരോഷ്മാവ് പരിശോധിക്കുന്നത് തടയുക, പരിശോധനയില് കൂടിയ താപ നില രേഖപ്പെടുത്തിയാല് തുടര് പരിശോധനക്കുള്ള നിര്ദ്ദേശങ്ങള് അവഗണിക്കുക എന്നിവയും ആയിരം റിയാല് വരെ പിഴ ലഭിക്കാവുന്ന കുറ്റമായി പരിഗണിക്കും. നാളെ മുതല് പ്രവര്ത്തനമാരംഭിക്കുന്ന സ്ഥാപനങ്ങളും കോവിഡ് പ്രതിരോധ പ്രവര്ത്തനങ്ങളുടെ ഭാഗമായുള്ള നിര്ദ്ദേശങ്ങള് പാലിച്ചിരിക്കണം.
സ്ഥാപനങ്ങളില് പ്രവേശിക്കുന്നതിന് മുമ്പ് ശരീരോഷ്മാവ് പരിശോധിക്കുന്നതിന് സംവിധാനം ഏര്പ്പെടുത്തുക, നിശ്ചിത ഇടങ്ങളില് സാനിറ്ററൈസര് ലഭ്യമാക്കുക, ജീവനക്കാര് മാസ്കും കയ്യുറയും ധരിക്കുന്നുണ്ടെന്ന് ഉറപ്പ് വരുത്തുക തുടങ്ങിയവയാണ് നിര്ദ്ദേശങ്ങള്. ഇവ ലംഘിക്കുന്ന സ്ഥാപനങ്ങള്ക്കെതിരെ പതിനായിരം റിയാല് വരെ പിഴ ചുമത്തുമെന്നും മന്ത്രാലയം മുന്നറിയിപ്പില് പറയുന്നു. സര്ക്കാര് സ്വകാര്യ സ്ഥാപനങ്ങള് നാളെ മുതൽ പ്രവര്ത്തനം ആരംഭിക്കാനിരിക്കെയാണ് പുതിയ നിബന്ധനകള് ബാധകമാക്കിയത്.
നാളെ മുതല് 15 വയസ്സിന് താഴെയുള്ളവര്ക്കും മാര്ക്കറ്റുകളിലും കടകളിലും പോകുന്നതിന് തടസ്സമില്ലെന്ന് വാണിജ്യമന്ത്രാലയം അറിയിച്ചു. ഹൈപര് മാര്ക്കറ്റുകളിലും മറ്റും ഇതുവരെ നിര്ത്തിവെച്ച ഓഫര് പ്രഖ്യാപനങ്ങളും തുടങ്ങാം. ജൂണ് 20 വരെയാണ് പുതിയ ഇളവുകള്. ഇസ്തിറാഹകളിലും വീടുകളിലും മസറകളിലും മറ്റും വിവാഹമടക്കമുള്ള പരിപാടികളില് 50 പേര്ക്ക് വരെ ഒന്നിച്ചിരിക്കാം. കര്ഫ്യൂ ഇളവ് കൂടുതല് സമയം അനുവദിച്ചതിനാലാണിത്. അതേ സമയം കഴിഞ്ഞ ദിവസം പ്രഖ്യാപിച്ച കര്ഫ്യൂ പ്രൊട്ടോകോളുകള് എല്ലാ സ്വകാര്യ സ്ഥാപനങ്ങളും പാലിക്കണം.
find Mediavision TV on social media
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !