തിരക്കഥാകൃത്തും സംവിധായകനുമായ സച്ചി (സച്ചിദാനന്ദന്) അന്തരിച്ചു. തൃശൂര് ജൂബിലി മിഷന് മെഡിക്കല് കോളേജ് ആയിരുന്നു അന്ത്യം. നാല്പ്പത്തിയെട്ട് വയസായിരുന്നു. നട്ടെല്ലിനു നടത്തിയ ശസ്ത്രക്രിയയുടെ ഭാഗമായി നേരിട്ട ശാരീരികഅസ്വാസ്ഥ്യങ്ങള് ഹൃദയസ്തംഭനത്തിലേക്ക് നയിച്ചതാണ് മരണകാരണം. കഴിഞ്ഞ രണ്ടു ദിവസങ്ങളായി വെന്റിലേറ്ററില് ആയിരുന്നു.
സച്ചിയുടെ ഭൗതിക ശരീരം കൊച്ചി തമ്മനത്തെ വീട്ടില് എത്തിക്കും. രവിപുരത്താണ് സംസ്കാരച്ചടങ്ങുകള്. കോവിഡ് പ്രോട്ടോക്കോള് അനുസരിച്ച് കര്ശന നിയന്ത്രത്തോടെയാണ് സംസ്കാര ചടങ്ങുകള് നടക്കുക . മരണശേഷം സച്ചിയുടെ കണ്ണുകള് ദാനം ചെയ്തതായി ആശുപത്രി അധികൃതര് അറിയിച്ചു.
ഏതാനും ദിവസങ്ങള്ക്കു മുന്പ് വടക്കാഞ്ചേരിയിലെ സ്വകാര്യ ആശുപത്രിയില് സച്ചിയെ ഇടുപ്പ് മാറ്റിവെക്കല് ശസ്ത്രക്രിയയ്ക്കു വിധേയനാക്കിയിരുന്നു. അതിനുശേഷമാണ് അദ്ദേഹത്തിനു ഹൃദയാഘാതം സംഭവിച്ചത്. 16ന് പുലര്ച്ചെയാണ് ജൂബിലി മിഷന് ആശുപത്രിയില് സച്ചിയെ പ്രവേശിപ്പിച്ചത്.
അദ്ദേഹത്തിന്റെ തലച്ചോര് പ്രതികരിക്കുന്നില്ലെന്നും ഹൈപോക്സിക് ബ്രെയിന് ഡാമേജ് (തലച്ചോറിലേക്ക് ഓക്സിജന് എത്താത്ത അവസ്ഥ) സംഭവിച്ചിട്ടുണ്ടെന്നും ജൂബിലി മിഷന് ആശുപത്രി 16ന് പുറത്തിറക്കിയ മെഡിക്കല് റിപ്പോര്ട്ടില് പറഞ്ഞിരുന്നു. വെന്റിലേറ്റര് പിന്തുണയോടെ തീവ്രപരിചരണ വിഭാഗത്തില് വിദഗ്ധ ചികിത്സ ലഭ്യമാക്കിയെങ്കിലും ജീവന് രക്ഷിക്കാന് ആയില്ല.
മരണത്തില് നിരവധിപേര് അനുശോചനം രേഖപ്പെടുത്തി. മലയാള സിനിമയിലെ ശ്രദ്ധേയനായ തിരക്കഥാകൃത്തും സംവിധായകനുമായിരുന്നു സച്ചി എന്ന് മുഖ്യമന്ത്രി പിണറായി വിജയന് അനുശോചിച്ചു. നിരവധി വിജയചിത്രങ്ങള് അദ്ദേഹത്തിന്റേതായുണ്ട്. സച്ചിയുടെ അകാല വിയോഗത്തോടെ മലയാള സിനിമയ്ക്ക് പ്രതിഭാശാലിയായ കലാകാരനെയാണ് നഷ്ടപ്പെട്ടിരിക്കുന്നതെന്ന് മുഖ്യമന്ത്രി അനുശോചന സന്ദേശത്തില് പറഞ്ഞു.
find Mediavision TV on social media
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !