മലപ്പുറം : ഹയർസെക്കണ്ടറി ഹിസ്റ്ററി ജൂനിയർ തസ്തികയിൽ നിയമനത്തിനായി ഉദ്യോഗാർത്തികളുടെ കാത്തിരിപ്പ് അനന്തമായി നീളുന്നു. 2017 ഓഗസ്റ്റിൽ വിജ്ഞാപനം വന്ന തസ്തികയിലെ നിയമനമാണ് വൈകുന്നത്. പരീക്ഷയും അഭിമുഖവും പൂർത്തിയാക്കിയിട്ടും റാങ്ക്ലിസ്റ്റ് പോലും പ്രസിദ്ധീകരിക്കാതെയാണ് പി.എസ്.സി ഉദ്യോഗാർത്ഥികളെ അനിശ്ചിചിതത്വലാക്കുന്നത്.
2017 ജൂൺ 30 ന് പഴയ ലിസ്റ്റിന്റെ കാലാവധി തീർന്നതിനാലും പൊതുവിദ്യാഭ്യാസം മികച്ചതാക്കാനുള യജ്ഞം നടക്കുന്നതിനാലും റാങ്ക് ലിസ്റ്റ് നീണ്ടു പോകുന്നതിൽ ഉദ്യോഗാർത്ഥികൾക്കു ആശങ്കയുണ്ട്.
ഇംഗ്ലീഷ്, പൊളിറ്റിക്സ്, സോഷ്യോളജി തുടങ്ങിയ വിഷയങ്ങളുടെ ഉൾപ്പെടെ ഒരുമിച്ചായിരുന്നു വിജ്ഞാപനം. 2018 ഡിസംബർ 3ന് പരീക്ഷനടത്തുകയും 2019 ജൂണിൽ ഷോർട്ട് ലിസ്റ്റ് പ്രസിദ്ധീകരിക്കുകയും ചെയ്തു. 2020 ജനുവരിയിൽ ഇന്റർവ്യൂ പൂർത്തിയാക്കി റാങ്ക്ലിസ്റ്റ് ഇതുവരെ പ്രസിദ്ധീകരിച്ചില്ല. മറ്റുവിഷയങ്ങളുടെ റാങ്കുലിസ്റ്റുകൾ വരികയും പലതിന്റെയും അഡ്വൈസ് മെമ്മോ അയക്കുകയും ചില വിഷയങ്ങളിൽ നിയമനം നടക്കുകയും ചെയ്തു. ലിസ്റ്റ് നിലവിലില്ലാത്ത സാഹചര്യത്തിൽ ഹയർസെക്കണ്ടറി ക്ലാസുകളിലെ ഹിസ്റ്ററി അധ്യാപകരുടെ തസ്തിക ഗസ്റ്റ് അധ്യാപകരാണ് കൈകാര്യം ചെയ്യുന്നത്.
നീണ്ട ഇടവേളക്ക് ശേഷം നടന്ന പരീക്ഷ ആയതിനാൽ പരീക്ഷ പാസ്സായ പല ഉദ്യോഗാർത്ഥികളും പ്രായ പരിധി പിന്നിട്ടവരാണ്. അതിനാൽ തന്നെ നിയമനങ്ങൾ വൈകുന്നതിൽ ആശങ്കയിലാണ് ഉദ്യോഗാർത്ഥികൾ. കോവിഡ് പശ്ചാതലത്തിൽ മുടങ്ങിയിരുന്ന ഓഫീസ് ജോലികൾ പുനരാരംഭിക്കുകയും മെയ് മുതൽ ചില ലിസ്റ്റുകൾ വരാൻ തുടങ്ങുകയും ചെയ്തു.
ഈ സാഹചര്യത്തിൽ ഹയർസെക്കണ്ടറി ഹിസ്റ്ററി റാങ്ക് ലിസ്റ്റ് പ്രസിദ്ധീകരിക്കാൻ പി.എസ്.സി നടപടി എടുക്കണമെന്നാണ് ഉദ്യോഗാർത്ഥികളുടെ ആവശ്യം
find Mediavision TV on social media
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !