പ്രൊഫ: റെയ്‌നോൾഡിന്റെ നിര്യാണം പ്രവാസികളെ കണ്ണീരിലാഴ്‌ത്തി

ജിദ്ദ: യൂണിവേഴ്സിറ്റി അധ്യാപകനായിരുന്ന  പ്രൊഫ. റെനോൾഡ് തന്റെ ഒഴിവു സമയം പ്രവാസി മലയാളികൾക്ക് ഇംഗ്ലീഷ് ഭാഷ പഠിപ്പിക്കാൻ വേണ്ടി മാറ്റിവെക്കുകയായിരുന്നു. പ്രൊഫെഷനലുകൾ മുതൽ സാധാരണക്കാ ർ വരെ അദ്ദേഹത്തിന്റെ ക്‌ളാസിൽ പങ്കെടുക്കാറുണ്ടായിരുന്നു. ആയതിനാൽ സമൂഹത്തിന്റെ എല്ലാ വിഭാഗം ജനങ്ങളുമായി അദ്ദേഹത്തിന് നല്ല ബന്ധം ഉണ്ടായിരുന്നു. ഉന്നത നിലയിൽ ജോലി ചെയ്തിരുന്ന അദ്ദേഹത്തിന്റെ പെരുമാറ്റം വളരെ വിനയത്തോടയും സ്നേഹത്തോടെയും ആയിരുന്നുവെന്നു പ്രവാസികൾ അയവിറക്കുന്നു.

കോഴിക്കോട് സ്വദേശിയായിരുന്ന പ്രൊഫ. റെയ്നോൾഡ് ഫാറൂഖ് കോളേജ്, ദേവഗിരി സെന്റ്  ജോസഫ് കോളേജ് എന്നിവിടങ്ങളിൽ അധ്യാപകനായിരുന്നു.

മലയാളി പ്രവാസികൾക്കിടയിൽ ഇംഗ്ലീഷ് ആശയ വിനിമയ പാടവം വളർത്തിയെടുക്കാൻ വേണ്ടി രൂപീകരിക്കപ്പെട്ട 'ജിദ്ദ സ്പീക്കേഴ്സ് ഫോറത്തിൽ 'അദ്ദേഹം സജീവ സാന്നിധ്യവും മാർഗ ദർശിയുമായിരുന്നു. അദ്ദേഹത്തിന്റെ 'മൈൻഡ് യുവർ ലാംഗ്വേജ് 'എന്ന പരിപാടി ഇംഗ്ലീഷ് ഭാഷ ഉപയോഗിക്കുമ്പോൾ ഉണ്ടാവാറുള്ള തെറ്റുകൾ തിരുത്താനും ശരിയായ ഇംഗ്ലീഷ് ഭാഷ പഠനത്തിനും ഏറെ സഹായകമായിരുന്നു.

ജിദ്ദയിലെ വിവിധ മത - സാമൂഹ്യ - സാംസ്‌കാരിക സംഘടനകളുമായി പ്രൊഫ. റെയ്‌നോൾഡിനു നല്ല ബന്ധം ഉണ്ടായിരുന്നു. പ്രവാസം അവസാനിപ്പിച്ചു നാട്ടിൽ ആയിരുന്നപ്പോഴും സോഷ്യൽ മീഡിയ വഴി പ്രവാസികളുമായുള്ള ബന്ധം  അദ്ദേഹം നിലനിറുത്തിയിരുന്നു. മരിക്കുന്നതിന് മണിക്കൂറുകൾ മുമ്പ് വരെ സോഷ്യൽ മീഡിയയിൽ പോസ്റ്റും കമ്മന്റും ഇട്ട അദ്ദേഹത്തിന്റെ മരണം പ്രവാസികൾക്ക്  അവിശ്വസനീയം ആയിരുന്നു.

തങ്ങളുടെ പ്രിയപ്പെട്ട ഇംഗ്ലീഷ് ഗുരുനാഥന്റെ അകാല  വേർപാട് പ്രവാസികളിൽ ഉണ്ടാക്കിയ മനോ വിഷമം മാറിയിക്കിട്ടാൻ ദിവസങ്ങളെടുക്കും. തങ്ങളുടെ പ്രിയപ്പെട്ട ഗുരുനാഥൻ ഓര്മയായെങ്കിലും അദ്ദേഹം പകർന്നു നൽകിയ അറിവ് തങ്ങളിലൂടെ ജീവിക്കുമെന്ന് പ്രവാസികൾ പറയുന്നു. പ്രവാസി സംഘടനകളും പ്രൊഫ. റെയ്‌നോൾഡിന്റെ നിര്യാണത്തിൽ അനുശോചന പരിപാടികൾ സംഘടിപ്പിക്കുന്നുണ്ട്.

find Mediavision TV on social media

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ്  ന്റെ WhatsApp  ഗ്രൂപ്പിൽ അംഗമാവുക !